ඉන්දීය ප්‍රිමියර් ලීග් ක්‍රිකට් තරගාවලි ඉතිහාසයේ වෙන්දේසියකදී අලෙවි වූ ලාබාලතම ක්‍රීඩකයා බවට පත් වීමට ඉන්දියාවේ Vaibhav Suryavanshi සමත්වී තිබෙනවා.
වමත් මුල්පෙල පිතිකරුවෙකු වන ඔහු මේ වන විට 13 වන වියේ පසුවන බවයි ඉන්දීය මාධ්‍ය වාර්තා කළේ.
ඒ අනුව ඔහු ඉන්දීය රුපියල් කෝටි 1.10 ක මුදලකට Rajasthan Royals කණ්ඩායම විසින් මිලදී ගැනීමට සමත් වී තිබෙනවා.
Suryavanshi මේ වන විටත් ඉන්දීය වයස අවුරුදු 19 න් පහළ කණ්ඩායම ද නියෝජනය කර ඇති අතර, ඔහු එහිදි ඔස්ට්‍රේලියානු යොවුන් කණ්ඩායමට එරෙහිව චෙන්නායිහීදී මීට මාස දෙකකට පමණ පෙර පැවැති සිව්දින තරගයකදී ආරම්භක පිතිකරුවෙකු ලෙස ශතකයක් ද වාර්තා කිරීමට සමත්වීම විශේෂත්වයක්.
