ජපාන තානාපති අකියෝ ඉසොමාටා සහ ජනාධිපති ලේකම් ආචාර්ය නන්දික සනත් කුමානායක අතර හමුවක් ඊයේ (22) පස්වරුවේ ජනාධිපති ලේකම් කාර්යාලයේදී සිදුවී තිබෙනවා.
එහිදී ජපාන මහ කොමසාරිස්වරයා ජනාධිපති අනුර කුමාර දිසානායක ප්‍රමුඛ නව රජයට සුබ පැතුම් එක් කර ඇති අතර, දෙරට අතර පවතින ද්විපාර්ශ්වික සබඳතා තවදුරටත් ඵලදායී ලෙස අඛණ්ඩව ඉදිරියට ගෙන යාමට ජපානය අපේක්ෂා කරන බව සඳහන් කර තිබෙනවා.
නාස්තිය සහ වංචා දූෂණයෙන් තොර රටක් බිහි කිරීමේ සහ ආර්ථිකමය වශයෙන් රට ඉදිරියට ගෙන යෑමේ රජයේ නව ප්‍රතිපත්තිය පිළිබඳවද තානාපතිවරයා විසින් ජපාන රජයේ ප්‍රශංසාව පළ කර ඇති අතර, ශ්‍රී ලංකා නව රජයට සහ ජනාධිපති අනුර කුමාර දිසානායකට ලබාදිය හැකි උපරිම සහාය ලබාදෙන බව ද එහිදී සඳහන් කර තිබෙනවා.
