2024 මහ මැතිවරණයේ ජාතික ජන බලවේගයෙන් ගම්පහ දිස්ත්‍රික්කය සඳහා ඉදිරිපත් වූ විජිත හේරත් මනාප ඡන්ද 716,715ක් ලබාගනිමින් ගම්පහ දිස්ත්‍රික්කයේ පළමු ස්ථානය දිනාගෙන තිබෙනවා.
ඒ අනුව එය ලංකා ඉතිහාසයේ අපේක්ෂකයෙකු ලබාගත් වැඩිම මනාප සංඛ්‍යාව ලෙසද වාර්තා අතරට එක්ව ඇති බවයි වාර්තා වෙන්නේ.
මීට පෙර වැඩිම මනාප ඡන්ද ගණනක් ලබාගෙන තිබූ මන්ත්‍රි ධුර අපේක්ෂකයා වූයේ හිටපු ජනාධිපති මහින්ද රාජපක්ෂ වන අතර ඔහු 2020 වසරේදී කුරුණෑගල දිස්ත්‍රික්කයෙන් මනාප 527,364 ක් ලබා තිබුණා.
ඉන් අනතුරුව 2024 මහ මැතිවරණය සඳහා ජාතික ජන බලවේගයෙන් කොළඹ දිස්ත්‍රික්කය සඳහා ඉදිරිපත් වූ අගමැතිනි ආචාර්ය හරිනි අමරසූරිය මනාප ඡන්ද 655,289 ක් ලබාගනිමින් මහින්ද රාජපක්ෂ පිහිටුවා තිබූ වාර්තාව බිඳ හෙළීමට අගමැතිවරිය සමත්වී තිබුණා.
අද දිනය තුළම මෙලෙස අගමැතිවරිය විසින් පිහිටවූ වාර්තාව විජිත හේරත් මනාප ඡන්ද 716,715ක් ලබාගනිමින් අදාළ වාර්තාව ඔහු සතු කර ගැනීමට සමත්වී තිබෙනවා.
