ඡන්දය ප්‍රකාශ කිරීම සඳහා යන ජනතාව වෙනුවෙන් අදත් සාමාන්‍ය පරිදි බස් සේවා ක්‍රියාත්මක බව ලංකා ගමනාගමන මණ්ඩලය පවසනවා.
ඒ සම්බන්ධයෙන් සියලු ඩිපෝ අධිකාරීවරුන් දැනුවත් කර ඇති බවයි එහි සභාපති රමාල් සිරිවර්ධන සඳහන් කළේ.
පෞද්ගලික බස් රථ ධාවනය තරමක් සීමා වන බවත් බස් රථ 3000 ක් පමණ අද පෙරවරුවේ ධාවනය වන බවයි එහි සභාපති ගැමුණු විජේරත්න සඳහන් කළේ.
මේ අතර, සාමාන්‍ය පරිදි දුම්රිය ධාවනය ද සිදුවන බව, දුම්රිය දෙපාර්තමේන්තුව වැඩිදුරටත් සඳහන් කලා.
