පසුගිය කාල සීමාව තුළ සිදුවූ බව කියන වංචා දූෂණ සිද්ධීන් 15කට ආසන්න ප්‍රමාණයක් සම්බන්ධයෙන් විමර්ශන ආරම්භ කිරීමට පියවර ගෙන ඇති බව විදේශ සේවා නියුක්ති කාර්යාංශය පවසනවා.
ඒ අනුව මීට අදාළ පැමිණිළි 3,040 ක් ලැබී ඇති බවත්, එයින් විසඳුම් ලබාදීමට හැකි 1,124 ක් තිබෙන බවයි එහි සභාපති කෝෂල වික්‍රමසිංහ සඳහන් කළේ.
ඊට අමතරව අභ්‍යන්තර විගණන ක්‍රියාවලිය හරහා ලබාගත් තොරතුරු මත විශේෂ වංචා දූෂණ සිදුවූයේද යන්න සැක සහිත විශේෂ පරීක්ෂණ 15ක් තෝරාගෙන ඇති බවද ඔහු සඳහන් කළා.
එයින් 3 ක අභ්‍යන්තර විගණනය විධිමත්ව සිදු කෙරෙමින් පවතින බවත්, තවත් කිහිපයක් සඳහා තොරතුරු ලබාගනිමින් ඇති බවයි විදේශ සේවා නියුක්ති කාර්යාංශය වැඩිදුරටත් ප්‍රකාශ කළේ.
