ශ්‍රී ලංකා දඟපන්දු යවන තුන් ඉරියව් ක්‍රීඩක වනිඳු හසරංගට නවසීලන්තය සමග පැවැත්වීමට නියමිත එක්දින ක්‍රිකට් තරගාවලිය ක්‍රීඩා කිරීමේ අවස්ථාව අහිමි වී තිබෙනවා.
දෙරට අතර පැවැති දෙවැනි විස්සයි විස්ස තරගයේ දී පන්දු යවමින් සිටියදී ඔහුගේ වම් පාදයේ සිදු වූ ආබාධය හේතුවෙන් ඔහුට මෙලෙස එක්දින තරගාවලිය අහිමි වී ඇති බවයි සඳහන් වෙන්නේ.
ඔහු වෙනුවට දුෂාන් හේමන්ත එක්දින සංචිතයට ආදේශ කිරීමට පියවර ගෙන ඇති බවයි වැඩිදුරටත් සඳහන් වෙන්නේ.
දෙරට අතර පැවැත්වෙන තරග 3 කින් යුත් එක්දින තරගාවලිය හෙට (13) දඹුල්ලේ දී ආරම්භ වනවා.
