අනුරාධපුර – මහව කොටසේ දුම්රිය ධාවනය අද සිට යළි ඇරඹේ

උතුරු දුම්රිය මාර්ගයේ අනුරාධපුර – මහව අතර කොටසේ දුම්රිය ධාවනය අද (28) සිට යළි ආරම්භ කර තිබෙනවා.

උතුරු දුම්රිය මාර්ගය නවීකරණය කිරීමෙන් අනතුරුව මෙලෙස යළි ගමනාගමනය ආරම්භ කර ඇති බවයි සඳහන් වෙන්නේ.

ඒ අනුව උතුරු දුම්රිය මාර්ගයේ දුම්රිය ප්‍රවේශපත්‍ර වෙන් කරවා ගැනීමද, මේ වන විට ආරම්භ කර ඇති බවයි දුම්රිය දෙපාර්තමේන්තුවේ නියෝජ්‍ය ගමනාගමන අධිකාරි එන්.ජේ. ඉදිපොලගේ සඳහන් කළේ.

දුම්රිය ගමනාගමනය ආරම්භ කිරීමත් සමග හරස් මාර්ග භාවිත කරන ජනතාව විමසිලිමත්ව කටයුතු කරන ලෙස දුම්රිය දෙපාර්තමේන්තුව වැඩිදුරටත් සඳහන් කර සිටිනවා.