මතුගම, මලබඩ හංදිය අසලදී මාරක රිය අනතුරක් සිදුවී කාන්තා පොලිස් සැරයන්වරියක් මියයි.
ගල්පාත චන්දන පෙරේරා
මෙසේ මියගොස් ඇත්තේ කලුතර පොලිස් අධිකාරී කාර්යාලයට අනුයුක්තව සේවය කරනු ලබන ඇට්ටෝරවිල, පුහාඹුගොඩ, දොඩම්ගොඩ පදිංචි කා. පො. සැ.6448 පී. ඩී. දමයන්ති වීරසූරිය නිලධාරීනිය බරපතල තුවාල ලබා නාගොඩ මහ රෝහලට ඇතුළත් කර ඇත. ඒ වනවිට නිලධාරීනිය මියගොස් ඇති බවට වෛද්‍යවරුන් ප්‍රකාශකර ඇත.
මෙම නිලධාරිණිය අද දින(20) සේවය අවසන්කොට නිවස බලා යමින් සිටියදී මලබඩ හංදියේදී බසයෙන් බැස පදිකමාරුවෙන් පාර මාරුවීමට යාමේදී මතුගම දෙස සිට කලුතර දෙසට ගමන් කරමින් තිබූ බූම් ට්‍රක් රථයක සවස 5.30ට පමන ගැටීමෙන් මෙම මාරක රිය අනතුර සිදුවී ඇත.
බූමූ ට්‍රක් රථය සහ එය පැදවූ රියදුරු මතුගම පොලිස් ස්ථානයේ රථවාහන අංශයේ නිලධාරීන් විසින් අත්අඩංගුවට ගෙන ඇත.
මෙම මාරක රිය අනතුර සම්බන්ධව මතුගම පොලිසිය ස්ථානාධිපති ප්‍රධාන පොලිස් පරීක්ෂක පරාක්‍රම උඩවත්ත මහතාගේ උපදෙස් මත මතුගම පොලිස් ස්ථානයේ රථවාහන අංශයේ ස්ථානාධිපති ඉන්දික මහතා ඇතුළු නිලධාරීන් වැඩිදුර විමර්ශන ආරම්භ කර ඇත.
