හෙට කොළඹ විශේෂ රථවාහන සැලැස්මක්

හෙට (31) දින රාත්‍රියේ කොළඹ නගරය තුළ විශේෂ රථවාහන සැලැස්මක් ක්‍රියාත්මක කරන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව පවසනවා.

විශේෂයෙන්ම ගාලු මුවදොර ආශ්‍රිතව මෙම රථවාහන සැලස්ම ක්‍රියාත්මක කරන බවයි පොලිස් මාධ්‍ය ප්‍රකාශකවරයා සඳහන් කරන්නේ.

නව වසර උදාව වෙනුවෙන් සිදුකරන සැමරුම් හේතුවෙන් ඇතිවිය හැකි රථවාහන තදබදය අවම කිරීමේ අරමුණින් හෙට (31) පස්වරු 05.00 සිට අදාළ රථවාහන සැලැස්ම ක්‍රියාත්මක වන බවද ඔහු වැඩිදුරටත් පවසා සිටිනවා.