ක්‍රිකට් නඩුව වැඩිදුර සලකා බැලීම යළිත් සඳුදා දක්වා කල් තබයි

ශ්‍රී ලංකා ක්‍රිකට් අතුරු කමිටුව පත් කිරීමට එරෙහි නඩුව වැඩිදුර සලකා බැලීම සඳහා සඳුදා (27) දිනය දක්වා කල් තබා තිබෙනවා.

ඒ අනුව අදාළ පෙත්සම් අද (24) යළි කැඳවූ අවස්ථාවේදී කරුණු සලකා බැලීමෙන් අනතුරුව අභියාචනාධිකරණ විනිසුරු මඬුල්ල මෙලෙස නියෝග කර ඇති බවයි සඳහන් වන්නේ.

ශ්‍රී ලංකා ක්‍රිකට් ආයතනයේ මෙහෙයුම් කටයුතු සඳහා අතුරු පාලක කමිටුවක් පත්කිරීමට ක්‍රීඩා අමාත්‍යවරයා ගත් තීරණය අභියෝගයට ලක්කරමින් ශ්‍රී ලංකා ක්‍රිකට් ආයතනයේ සභාපති ශම්මි සිල්වා විසින් මෙම පෙත්සම ගොනුකර තිබෙනවා.