විශ්වවිද්‍යාල සඳහා අයදුම්පත් කැඳවීම අද සිට ඇරඹේ

විශ්වවිද්‍යාල සඳහා අයදුම්පත් කැඳවීම අද (14) සිට සිදුකරන බව විශ්වවිද්‍යාල ප්‍රතිපාදන කොමිෂන් සභාව පවසනවා.

ඒ අනුව https://www.ugc.ac.lk/ යන වෙබ් අඩවියට පිවිසීමෙන් මාර්ගගත ක්‍රමය ඔස්සේ එම අයදුම්පත් ඔක්තෝබර් 5 වනදා දක්වා යොමුකිරීම සිදුකළ හැකි බවයි එහි සභාපති ජ්‍යෙෂ්ඨ මහාචාර්ය සම්පත් අමරතුංග සඳහන් කළේ.

2022 අධ්‍යයන පොදු සහතික පත්‍ර උසස් පෙළ විභාගයේ ප්‍රතිඵල පසුගිය 04 වන දින නිකුත් කෙරුණු අතර 166,938 දෙනෙකු විශ්වවිද්‍යාල ප්‍රවේශය සඳහා අයදුම් කිරීමට සුදුසුකම් ලබා ඇති බවයි වැඩිදුරටත් සඳහන් වන්නේ.