ඊයේ (12) දුම්රියෙන් ඇද වැටී මියගිය තරුණයා වෙනුවෙන් ඔහුගේ පවුල වෙත රුපියල් ලක්ෂ 5ක කරුණා සහගත ගෙවීමක් ප්‍රදානය කිරීමට තීරණය කළ බව ප්‍රවාහන අමාත්‍ය බන්දුල ගුණවර්ධන පවසනවා.
දුම්රිය වරදකින් වුවද මනුශ්‍ය ජීවිතයකට වන්දි ගෙවීමට හැකියාව තිබෙන්නේ රුපියල් 75,000 ක් පමණක් වුවද, තමන් ජනාධිපති ලේකම්වරයා සහ අමාත්‍යංශ ලේකම්වරයා දැනුවත් කර අදාළ තරුණයා වෙනුවෙන් රුපියල් ලක්ෂ 5ක මුදලක් ප්‍රදානය කරන ලෙස නියම කළ බවයි ඔහු පවසන්නේ.
ඒ අනුව දුම්රිය දෙපාර්තමේන්තුව විසින් මෙම මුදල කරුණා සහගත ගෙවීමක් ලෙස එම තරුණයාගේ පවුලට ලබාදෙන බවද, එය තරුණයාගේ ජීවිතයේ වටිනාකම තක්සේරු කර සිදුකරන ගෙවීමක් නොවන බවද ඔහු වැඩිදුරටත් පවසනවා.
![imf[1]](https://bostonlanka.com/wp-content/uploads/2023/07/imf1-234x130.jpg)
