2023 ආසියානු කුසලාන එක්දින ක්‍රිකට් තරගාවලියේ සුපිරි 4 දෙනාගේ වටයේ ඉන්දියා කණ්ඩායම හා පාකිස්තාන කණ්ඩායම තරගයට ඊයේ (10) වර්ෂාවෙන් බාධා එල්ල වුණා.
ඒ අනුව තරගය අද (11) අතිරේක දිනයට කල් දැමීමට විනිසුරුවන් තීරණය කළ අතර අද පස්වරු 3.00 ට පන්දුවාර 50 තරගයක් ලෙස ඊයේ නතර කළ ස්ථානයේ සිට ආරම්භ කිරීමට නියමිතයි.
කොළඹ ආර්. ප්‍රේමදාස ක්‍රීඩාංගනයේ දී පැවැත්වෙන මෙම තරගයේ කාසියේ වාසිය දිනූ පාකිස්තාන කණ්ඩායම පන්දුවට පහරදීමට ඉන්දීය කණ්ඩායමට ආරාධනා කළ අතර පන්දුවාර 24.1 ක් අවසානයේ දී ඉන්දියාව කඩුලු 2 ක් දැවී ලකුණු 147 ක් ලබා සිටියදී තරගයට වර්ෂාවෙන් දැඩි බාධා එල්ල වුණා.
නොදැවී පන්දුවට පහර දෙමින් සිටින විරාත් කෝලි ලකුණු 8 ක් හා කේ.එල්.රාහුල් ලකුණු 17 ක් ලබා කඩුල්ලේ රැදී සිටිනවා.
