ශ්‍රී ලංකාවට ඩොලර් මිලියන 700 ක් ලබාදීමට ලෝක බැංකුවේ අනුමැතිය

ශ්‍රී ලංකාවට අමෙරිකානු ඩොලර් මිලියන 700ක මුදලක් ලබාදීමට ලෝක බැංකුව අනුමැතිය ලබාදී  ඇති බව විදෙස් මාධ්‍ය වාර්තා කරනවා.

ඒ අනුව ජාත්‍යන්තර මූල්‍ය අරමුදල මාර්තු මාසයේදී ලබාදුන් ඩොලර් බිලියන 2.9ක විස්තීර්ණ ණය පහසුකමේ පළමු වාරිකයෙන් අනතුරුව ලැබෙන විශාලතම මූල්‍ය සහනය මෙය බවයි වැඩිදුරටත් සඳහන් වන්නේ.

අදාළ මුදලෙන් අමෙරිකානු ඩොලර් මිලියන 500ක් අයවැය සඳහා සහාය දීමට සහ අමෙරිකානු ඩොලර් මිලියන 200ක් සමාජ ආරක්ෂණ කටයුතු සඳහාත් වෙන්කර තිබෙනවා.