දීර්ඝ බැංකු නිවාඩුවක් ප්‍රකාශයට පත් කළද ජනතාවට අත්‍යවශ්‍ය බැංකු කටයුතු සිදුකිරීමට අවශ්‍ය පහසුකම් සලසා ඇති බව මහ බැංකු අධිපති ආචාර්ය නන්දලාල් වීරසිංහ පවසනවා.
ඒ අනුව සාමාන්‍ය නිවාඩු දිනවල සිදුකරන බැංකු ගනුදෙනු, ATM, Online බැංකු ගනුදෙනු සහ අන්තර්ජාලය හරහා කරන බැංකු ගනුදෙනුවලට කිසිම බාධාවක් නොමැති බවයි මහ බැංකු අධිපතිවරයා සඳහන් කළේ.
සමහර බැංකු, නිවාඩු දිනවලත් ක්‍රියාත්මක වන බවත් එම කිසිම බැංකු ගනුදෙනුවකට මේ තුළ කිසිම බාධාවක් නොමැති බවත් දීර්ඝ බැංකු නිවාඩු දිනයන්වල පවා ජනතාවට අවශ්‍ය කරන බැංකු කටයුතු කරගැනීමට සියලු පහසුකම් සලසන බවත් මහ බැංකු අධිපතිවරයා වැඩිදුරටත් සඳහන් කළා.
