ලේ වැගිරීම වැළැක්වීම සඳහා සිය හමුදා කණ්ඩායම ආපසු හැරී යන බව වැග්නර් හමුදා ප්‍රධානියා ප්‍රකාශ කර තිබෙනවා.
ඒ අනුව රුසියාවේ වැග්නර් කුලී හේවා කණ්ඩායමේ භට පිරිස් කැරැල්ලකට උත්සාහ කර පැය 24කටත් අඩු කාලයකට පසු රොස්තොව්-ඔන්-ඩොන් නගරයෙන් පිටව යාමට පටන් ගෙන ඇති බවයි විදෙස් මාධ්‍ය වාර්තා කරන්නේ.
රුසියානු ජනාධිපති ව්ලැදිමීර් පුටින්ගේ කුලී හමුදා කණ්ඩායම වන වැග්නර් සන්නද්ධ කණ්ඩායම ඊයේ (24) සටනක් ආරම්භ කිරීමට කටයුතු කර තිබුණා.
වැග්නර් බලකාය විසින් රුසියානු පාලනය යටතේ පැවති නැගෙනහිර යුක්රේනයට මායිම්ව පිහිටි රොස්තොව් නගරය පළමුව අත්පත් කර ගැනීමට කටයුතු කර තිබුණා.
