මාර්තු මාසයේ කාර්මික භාණ්ඩ අපනයන ආදායම පහත වැටිලා – ශ්‍රී ලංකා මහ බැංකුව

ඇඟලුම් අපනයන ආදායම් සැලැකිය යුතු මට්ටමකින් පහළ යාමත් සමඟ 2023 වසරේ මාර්තු මාසයේ දී කාර්මික භාණ්ඩ අපනයන ආදායම 2022 වසරේ මාර්තු මාසයට සාපේක්ෂව පහත වැටී ඇති බව ශ්‍රී ලංකා මහ බැංකු පවසනවා.

ඒ අනුව ඇඟලුම් අපනයනය කරන ප්‍රධාන වෙළෙඳපොළ වන අමෙරිකා එක්සත් ජනපදය, යුරෝපා සංගමය සහ එක්සත් රාජධානිය වැනි රටවලට සිදුකළ ඇඟලුම් අපනයන පහත වැටී ඇති බවයි වාර්තා වන්නේ.

නැව් සඳහා යොදාගන්නා ඉන්ධන අපනයන මිල ගණන්වල සාමාන්‍යය පහළ යෑම හේතුවෙන් ඛනිජ තෙල් නිෂ්පාදිත අපනයන ආදායමද පහළ ගොස් ඇති අතර, කෙසේ වෙතත් 2023 වසරේ මාර්තු මාසයේ දී යන්ත්‍රෝපකරණ සහ යාන්ත්‍රික උපකරණ, මැණික්, දියමන්ති, ස්වර්ණාභරණ සහ රබර් නිෂ්පාදිත ආදායම ඉහළ ගොස් තිබෙනවා.