සංචාරක අයර්ලන්ත කණ්ඩායම හා ශ්‍රී ලංකා කණ්ඩායම අතර දෙවන ටෙස්ට් තරගයේදී ශතක වාර්තා කිරීමට ශ්‍රී ලංකා නායක දිමුත් කරුණාරත්න සහ නිෂාන් මදුෂ්ක සමත් වුණා.
දිමුත් කරුණාරත්න සිය 16 වන ටෙස්ට් ශතකය වාර්තා කිරීම සඳහා හතරේ පහර 13 ක් වාර්තා කළ අතර ලකුණු 115 ක් ලබා සිටියදී ඔහු දැවී ගියා.
සිය මංගල ටෙස්ට් ශතකය වාර්තා කළ නිෂාන් මදුෂ්ක මේ වන විට නොදැවී ලකුණු 104 ක් ලබා සිටිනවා. ඔහුගේ ශතකයට හතරේ පහර 14 ක් හා එක් හයේ පහරක් ඇතුලත් වුණා.
දිවා ආහාරය සඳහා තරගය නතර කරන විට ශ්‍රී ලංකා කණ්ඩායම එක් කඩුල්ලක් දැවී ලකුණු 228 ක් ලබා සිටිනවා.
