ඉන්දියාවෙන් ආනයනය කරන ලද බිත්තර වෙළෙඳපොළට නිකුත් කිරීම සඳහා වන සහතික ලබාදීම සත්ත්ව නිෂ්පාදන හා සෞඛ්‍ය දෙපාර්තමේන්තුව පාර්ශවයෙන් තවදුරටත් ප්‍රමාදවීම හේතුවෙන් ගැටලු රැසක් නිර්මාණය වී ඇති බව රාජ්‍ය වාණිජ විවිධ නීතිගත සංස්ථාව පවසනවා.
ඒ අනුව එහි සභාපති ආසිරි වලිසුන්දර සඳහන් කරන්නේ, සැලසුම් කල පරිදි බිත්තර වෙළෙඳපොළට නිකුත් කිරීමට නොහැකි වී ඇති බවයි.
ඉදිරියේදී තවත් මිලියන 05කට ආසන්න ප්‍රමාණයක් බිත්තර ආනයනය කිරීම සඳහා ඇනවුම් ලබා දී ඇති බවත්, මේ වන විටත් බිත්තර මිලියන 3 ක පමණ ප්‍රමාණයක් වරාය තුළ ඇති බවයි ඔහු පෙන්වා දෙන්නේ.
හැකි ඉක්මනින් අදාළ වාර්තාව ලබා දෙන්නේ නම් එම බිත්තර තොගය නිදහස් කළ හැකි බවයි රාජ්‍ය වාණිජ විවිධ නීතිගත සංස්ථාව වැඩිදුරටත් සඳහන් කළේ.
