තවදුරටත් චීනයෙන් ණය ලබාගැනීම සිදුනොකළ යුතුයි – ආචාර්ය ඉන්ද්‍රජිත් කුමාරස්වාමි

පවතින ආර්ථික අර්බුදයෙන් මීදිමට නම් තවදුරටත් චීනයෙන් ණය ලබාගැනීම සිදුනොකළ යුතු බව හිටපු මහ බැංකු අධිපති ආචාර්ය ඉන්ද්‍රජිත් කුමාරස්වාමි පවසනවා.

හිටපු මහ බැංකු අධිපතිවරයා පවසන්නේ චීනයෙන් මෙවර අවශ්‍ය වන්නේ ණය නොවන බවත් ඔවුන් සතුව සුලබව පවතින ප්‍රාග්ධනය ශ්‍රී ලංකාව තුළ යෙදවීම බවයි.

එලෙස ප්‍රාග්ධනය යෙදවීම චීන ණය මගින් මෙහි ගොඩනගන ලද යටිතල පහසුකම් හරහා සිදුකළ හැකි බව පෙන්වා දෙන හිටපු අධිපතිවරයා පවසා සිටියේ හම්බන්තොට වරාය, කොළඹ වරාය නගරය වැනි චීනය මෙහි ගොඩනැගූ යටිතල පහසුකම්වල වාසිය ලබමින් මෙහි ආයෝජන සිදුකරන්නේ නම් එයද ඉදිරි ආර්ථික වර්ධන මූලාශ්‍රයක් වනු ඇති බවයි.