ශ්‍රී ලංකා නීතීඥ සංගමයේ සභාපති ලෙස කටයුතු කළ ජනාධිපති නීතීඥ සාලිය පිරීස් අද (24) නිල කාලය අවසන්වීමෙන් අනතුරුව එම ධූරයෙන් ඉවත්වී තිබෙනවා.
ඒ අනුව සිය Facebook ගිණුමේ සටහනක් තබමින් ඔහු සඳහන් කරන්නේ වෘත්තියේ ගෞරවනීය සාරධර්මවලට අනුකූලව එහි යහපත උදෙසා ක්‍රියාකිරීමට සෑමවිටම ඉමහත් පරිශ්‍රමයක් දැරූ බවයි.
රටේ ජනතාවගේ විශ්වාසය පුබුදුවාලමින් නීතියේ ආධිපත්‍යය, ප්‍රජාතන්ත්‍රවාදය, අධිකරණයේ ස්වාධීනත්වය සහ ජනතාවගේ සහ ප්‍රජාවගේ අයිතිවාසිකම් ආරක්ෂා කිරීම සඳහා කැප වූ ශක්තිමත් හා ජවසම්පන්න ආයතනයක් ලෙස ශ්‍රී ලංකා නීතීඥ සංගමය කටයුතු කරනු ඇති බව තමාගේ ප්‍රාර්ථනය බවයි ජනාධිපති නීතීඥ සාලිය පිරීස් වැඩිදුරටත් සඳහන් කර තිබෙන්නේ.
ශ්‍රී ලංකා නීතීඥ සංගමයේ, නව සභාපති ධුරය සඳහා කෞෂල්‍ය නවරත්න පසුගියදා තේරී පත්ව තිබුණා.
