මෙරටට ලැබුණු මඩ පොහොර (TSP) යල කන්නයේ වී වගා කටයුතු ආරම්භයට පෙර අප්‍රේල් මස 10 වනවිට සියලුම ගොවිජන සේවා මධ්‍යස්ථාන වෙත බෙදා අවසන් කරන ලෙස කෘෂිකර්ම අමාත්‍ය මහින්ද අමරවීර මහතා ගොවිජන සංවර්ධන දෙපාර්තමේන්තුවට උපදෙස් ලබාදී තිබෙනවා.
යල කන්නය සඳහා මඩ පොහොර බෙදාහැරීම පසුගිය සඳුදා ආරම්භ වූ අතර අඟහරුවාදා දිනය අවසන් වනවිට මඩ පොහොර මෙට්‍රික් ටොන් 9,177 ක් ගොවිජන සේවා මධ්‍යස්ථානවලට බෙදා හැර ඇති බවයි සඳහන් වන්නේ.
මේ වනවිට ගොවින් විසින් ලබා ගෙන ඇති පොහොර ප්‍රමාණය මෙට්‍රික් ටොන් 994 ක් වන අතර ගොවීන් ලක්ෂ 12කට වී වගාව සඳහා මඩ පොහොර ලබාදෙන බවත් දින දෙකක් තුළ ගොවීන් 20,940ක් පොහොර ලබාගෙන ඇති බවත් ගොවිජන සංවර්ධන දෙපාර්තමේන්තුව සඳහන් කළා.
![imf[1]](https://bostonlanka.com/wp-content/uploads/2023/07/imf1-234x130.jpg)
