ජාත්‍යන්තර මූල්‍ය අරමුදල සමඟ එකඟතාවකට පැමිණි පසු ඩොලරයේ අගය රුපියල් 200 හෝ 185 දක්වා ක්‍රමයෙන් පහළ යනු ඇතැයි අපේක්ෂා කළ හැකි යැයි ජනාධිපති රනිල් වික්‍රමසිංහ පැවසූ බව ජනාධිපති මාධ්‍ය අංශ්‍ය නිවේදනය කරනවා.
අරලියගහ මන්දිරයේ පැවති 32 වන ඉන්ටරැක්ට් දිස්ත්‍රික් සමුළුව අමතමින් ජනාධිපතිවරයා සිදුකළ කතාව උපුටා දක්වමින් ජනාධිපති මාධ්‍ය අංශය සඳහන් කරන්නේ, රට ස්ථාවරත්වයට පත්වීම සඳහා වසර 4 ක කාල පරිච්ඡේදයක් තිබෙන බව ජනාධිපතිවරයා පෙන්වා දුන් බවයි.
අයවැය හිඟයක් ඇති නොවන බවට හා 2026 වන විට අයවැය අතිරිත්තයක් ඇති කරන බවට ජාත්‍යන්තර මූල්‍ය අරමුදල ලබාදුන් ඉල්ලක්කය සමඟ එකඟවූ බවද, එවිට ලබාගත් මුදල් නැවත ගෙවිය හැකි බවද ජනාධිපතිවරයා වැඩිදුරටත් සඳහන් කළ බවද එම නිවේදනයේ සඳහන්.
![bread-22[1]](https://bostonlanka.com/wp-content/uploads/2023/06/bread-221-234x130.jpg)
