මේ දින වල හැමෝගෙම කතාව නාමල් බේබිගේ විවාහය ගැන. කොහොම වුණත් මේ වන කොට විපක්‍ෂනායක, හිටපු ජනාධිපති මහින්ද රාජපක්ෂ මහතාගේ පුත් පාර්ලිමේන්තු මන්ත්‍රී නාමල් රාජපක්ෂ මහතාගේ විවාහ උත්සවයේ සියළු වැඩ කටයුතු අවසන්.
චාමෙට වැඩිය කාටත් නොකියා අඩු සද්දෙන් ගන්නවා කිවුවට මොකද මුද්‍රණය කරපු ආරාධනා පත් මේ වන කොට ඉවර වෙලා. ඒ නිසා සමහරුන්ට කාඩ් නැතුව බුලත් දීලා කටින් ආරාධනා කරන්නත් සිද්ධ වෙලා කියලයි බොස්ටන් අපිට නම් ආරංචි වෙන්නේ. කොහොම හරි මේ වනකොට 6000 කට අධික පිරිසකට ආරාධනා කරලාලු.
කොහොමහරි දැන් නාමල් ගේ විවාහ උත්සවය දවස් තුනක් ගන්න කටයුතු සුදානම්ක. ඒ සැප්තැම්බර් 12 , 14 සහ 17 යන දිනයන්හිදිය. පළමු දින ගමේ හා පල්ලියේ චාරිත්‍ර වාරිත්‍රටත් මුල් තැන දෙමින් සිදුවන අතර දහවල් දිවා ආහාරය ගල්කිස්ස හෝටලයේද රාත්‍රි ප්‍රියසම්භාෂණය කාල්ටන්හි දී පැවැත්වීමට සුදානම් කරලා. පසුව 14 වන දින සියළුම ආරාධිත අමුත්තන් සමගින් පෙ.ව 11 සිට පස්වරු 3 දක්වා වීරකැටිය කාල්ටන්හිදී දහවල් ප්‍රිය සම්භාෂණය පවත්වා අවසන් දින 17 නැවත තානාපතිවරුන් සහ විශේෂ අමුත්තන් වෙනුවෙන් කොළඹ ෂැන්ග්‍රිලා හෝටලයේදී උත්සවයක් පැවැත් වෙනවා.
මහින්ද රාජපක්ෂ සහ ශිරන්ති වික්‍රමසිංහ රාජපක්ෂ දෙපලගේ පුත් නාමල් මෙලෙස අතිනත ගන්නේ තිලක් වීරසිංහ හා අරුණි වීරසිංහ දෙපලගේ දෙටු දියණිය වන ලිමිණි. නාමල් මේ වන විට 33 වියේ පසු වනවා. ලිමිණි ට 21 කයි.
මෙම ප්‍රේම සම්බන්ධය වසර 2 ක්. නමුත් අවසන් මොහොත දක්වාම නාමල්ගේ විවාහය ගැන කිසිවෙකු දැන සිටියේ නැහැ.
මෙය මුල් වරට මාධ්‍යට ප්‍රකාශ වන්නේ පාස්කු බෝම්බ ප්‍රහාරයෙන් පසු මේ රටට පැමිණී ඉන්දීය අග්‍රාමාත්‍ය නරේන්ද්‍ර මෝඩි මහතා කළ විහිළුවකින්. නාමල් බදින්නේ කවද්ද ? කියලා අහනකොට ඔහු දවස කියනවා.එතකොට එම දිනය මෝඩි මහතාගේත් උපන් දිනය ද කියලා ප්‍රකාශ වීමත් සමගයි නාමල් ගේ විවාහය ගැන අනාවරණය වුණේ.
කෝටිපති ව්‍යාපාරික තිලක් වීරසිංහ යනු ලිමිනිගේ පියා. ඔහු මරීනා හොටෙල් හෝල්ඩින්ග්ස් සමඟ කිමිදුම් සහ පිහිනුම් තටාක සම්බන්ධ ව්‍යාපාරයකුත් කරගෙන යනවා. ඔවුන් රාජපක්ෂ පවුලේ අයව දැන හඳුනා ගෙන වසර 15 ක්. ගම්පහ යක්කල පදිංචි ලිමිනි යනු විවිධ ගුණාංග මෙන්ම විවිධ දක්ෂතා ඇති තරුණියක්. ඇය කොළඹ බිෂොප් විද්‍යාලයේ අධ්‍යාපනය හදාරා ව්‍යාපාරික කටයුතු කෙරෙහි අවධානය යොමු කර ඇති අතර කලාව කෙරෙහි දැඩි ආසාවක් උනදුවක් භක්තියක් ඇති අයෙකු වන අතර බෙර වාදනය පිළිබඳ කුසලතා පෙන්වන තරුණියක්.
ඇය පාසැල් දේශීය සංගීත කණ්ඩායමේ සාමාජිකාවක් වූ අතර ශාස්ත්‍රීය අප්‍රිකානු සංගීතයට සම්බන්ධ බෙර වාදනය පිළිබඳ වැඩිදුර හැදෑරීමට හා දියුණු කිරීමට ඇය කටයුතු කර තිබෙනවා.
2017 දී සිය උසස් පෙළ සම්පූර්ණ කළ ලිමිනි එම වසරේම බෙර වාදනය පිළිබඳ ඇගේ කුසලතා ඉස්මතු කරමින් ‘ගොෂා’ නමින් ප්‍රසංගයක් පවත්වා තිබේ.21 හැවිරිදි ලිමිනිට බාල සොහොයුරෙකු වන ජැනිත් දැනට ජාත්‍යන්තර පාසලක සිසුවෙකි. ඉදිරියේදී ඇය සිය පියාගේ වියාපාර කටයුතු වලට සම්බන්දවිමට නියමිතයි.
පාට කුලමල භේද කිසිවක් ආදරේට නැහැ කියනවා වගේ විවිධ මතවාද, කුමන කතා තිබ්බත් විවාහය කියන්නේ ඕනෑම කෙනෙක්ගේ ජිවිතයේ වටිනාම අවස්ථාව. වටිනාම දිනය. ඒ නිසා බොස්ටන් අපි නාමල් ලිමිනිගේ අළුත් ජිවිතය සාර්ථක වෙන්න කියලා සුභ පතනවා.
