සන්ඩේ ලීඩර් පුවත්පතේ හිටපු කර්තෘ ප්‍රවීණ මාධ්‍යවේදී ලසන්ත වික්‍රමතුංග මහතා ඝාතනය කර වසර10ක් පිරීම නිමිත්තෙන් ඒ මහතා සිහි කිරීමේ අවස්ථාවක් බොරැල්ල සුසාන භූමියේදී ඉකුත්09ි දාපැවැත්විය. මෙම අවස්ථාවට ලසන්ත වික්‍රමතුංග මහතාගේ පවුලේ ඥාතීන්, සහෝදර මාධ්‍යවේදීන්, මැති ඇමැතිවරු මෙන්ම විදෙස් තානාපතිවරුන් ඇතුළු පිරිසකගේ සහභාගිත්වයෙන් සිදු විය.
සන්ඩේ ලීඩර් පුවත්පතේ කතෘවරයාව සිටි ප්‍රවීන මාධ්‍යවේදී ලසන්ත වික්‍රමතුංග මහතා රත්මලානේ සිය කාර්යාලය වෙත සිය මෝටර් රථයෙන් ගමන් ගනිමින් සිටියදී අත්තිඩිය ප්‍රදේශයේදී ඝාතනය කරන ලද්දේ 2008 වසරේ ජනවාරි 08 වෙනි දිනය. මෙම ඝාතනයෙන් අනතුරුව වසර දහයක කාලයක් ගතවී ඇතත් ලසන්ත වික්‍රමතුංග මහතාගේ ඝාතකයන් වෙත නිතිය ක්‍රියාත්මක කිරීමට පොලිසියට තවමත් හැකි වී නොමැත. 2015 වසරේදී බලයට පත් වූ යහපාලන ආණ්ඩුව ලසන්ත වික්‍රමතුංග ඝාතකයන් සොයා ගැනීමේ කාර්යය අපරාධ පරීක්ෂණ දෙපාර්තමේන්තුවට භාර දුන් අතර වසර හතරක් ගත වී ඇතත් තවමත් එහි ප්‍රගතියක් දැකගත නොහැක. ලසන්ත ඝාතනයට හමුදා බුද්ධි අංශ වල සම්බන්ධයක් ඇතැයි සලකමින් 2017 වසර මුලදී හමුදා බුද්ධි අංශ සාමාජිකයන් කීප දෙනෙක් අත්අඩංගුවට ගනු ලැබිය. එමෙන්ම ලසන්ත වික්‍රමතුංග මහතාගේ ඝාතනය සම්බන්ධයෙන් හිටපු ආරක්ෂක ලේකම් ගෝඨාභය රාජපක්ෂ මහතාගේ හා හිටපු හමුදාපති සරත් ෆොන්සේකාගේ නම් ද කරළියට පැමිණියත් ඔවුන් දෙදෙනා විසින් එම ප්‍රකාශන ප්‍රතික්ෂේප කරනු ලැබිය.
රටේ නීතිය ක්‍රියාත්මක කිරීමේ තත්ත්වය සම්බන්ධව අද පවතින්නේ බරපතල තත්ත්වයකි. නීතිය සැම පුරවැසියෙකුටම එක සමාන විය යුතුය. ලසන්ත වික්‍රමතුංග මහතාගේ ඝාතකයන් වෙතද පවතින්නේ එකී නීතියයි. එවැනි තත්ත්වයක රටේ සාමාන්‍ය ජනතාව වෙත නීතියේ සාධාරණත්වය ඉටු වේ දැයි සිතිම හාස්‍යජනකය.
සටහන – පබසරා රාජකරුණා
