– තිලිනි මධුෂානි කියන්නෙ කවුද?
තිලිනි කියන්නේ හරිම සරලව ඉන්න කැමති….ටිකක් දඟකාර කෙනෙක් කිව්වොත් හරි..
– තිලිනිගෙ මේ දවස් වල වැඩකටයුතු මොනවද? මේ දිනවල මොකද කරන්නෙ?
පහු ගිය දවස්වලනම් සිද්ධාර්ථ ගෞතම ටෙලි නාට්‍යයේ වැඩ කලා. ඉස්සරහට අලුත් වැඩකට කතාකරල තියෙන්නේ ..ඒ වැඩේ දින ලැබෙනකම් ඉන්නවා..
– තිලිනි නිරූපණ ශිල්පිනියක් ද? රංගන ශිල්පිනියක් ද?
මං රංගන ශිල්පීනියක්…
– ඔබ කොහොමද රංගන ජීවිතයට පිවිසෙන්නෙ? කොයි කාලෙද ?
මම රංගන ජීවිතයට ආවේ වයස අවු.19න් වගේ ….
– ඒ කියන්නෙ පාසල් අධ්‍යාපනය හමාර කළ ගමන්ම ?
ඔව්
– මුලින්ම සම්බන්ධ වුණේ කුමන නිර්මාණයටද ?
“එයා තමයි මෙයා” කියන අපේ ගමේ කරපු ෆිල්ම් එකකට.රාජ් සර් තමයි මට ඒ ෆිල්ම් එකට අවස්ථාවක් දුන්නේ..
– තිලිනිගෙ පෞද්ගලික තොරතුරු මොනවද ?
මට ලස්සන පවුලක් තියෙනවා..මගේ තාත්ති නම් නෑ ..ඒත් මගේ අම්මා ඒ අඩුව පුරවන්න ගොඩක් උත්සාහ කරනවා. මට සහෝදර සහෝදරියන් දෙදෙනෙක් සිටිනවා..
මගේ ගම කැටන්දොල
පාසල-5 වසර වෙනකම් ගියේ ඩෙන්සිල් කොබ්බෑකඩුව විදුහලට.. ඉන් පස්සේ ශාන්ත තෙරේසා බාලිකා විද්‍යාලයට..
– තිලිනි Modeling කරන්න කැමති නැද්ද?
නෑ මං කැමති නෑ…..ඒත් මම කැමති රංගනය පැත්තෙන් ඉදිරියට යන්න..මම පාසලෙත් නාට්ය හා රංග කලාව විෂයක් ලෙස ඉගෙනගත්තා.
– තිලිනි ජීවත්වෙන්නෙ කොළඹට ඈතින්.. හැමදේම කොළඹ කේන්ද්‍රීයව තිබීම නිසා වැඩකටයුතුවලට සම්බන්ධ වීමට අවස්ථාව අඩුවෙනවා..ඔබ කොහොමද මේ අභියෝගය ජයගන්නෙ ?
ආමරුයි තමයි ගොඩක්.මොකද මම ජීවත්වෙන්නෙ කොහේද අහලා මම වැඩේට ගැළපුනත් මට කතා නොකරපු අවස්ථා බොහොමයි. දුර වැඩියි කියලා..ඒත් මට හම්බුවෙන වැඩේට වෙලාවට ගිහින් ඒ වැඩේ කරනවා මම..මං ගැන දන්න අය ඉතින් වැඩ දෙනවා බය නැතුව මොකද කවදාවත් බාරගත්තු වැඩක් මං මගඅරින්නෑ..
– මේ වෙන කොට සම්බන්ධ වුනු වැඩ ගැනත් කියමුද?
නීල පලිගු දිය,ළබැදියේ,එක ගෙයි මිනිස්සු ,සිතින් සියවර,සිද්ධාර්ථ ගෞතම මා සම්බන්ධ වූ නිර්මාණ කිහිපයක්.
– තිලිනිගෙ ගමන්මගෙහි අමතක නොවන උදව් කළ අය කවුද?
මගේ මුලුන්ම ටෙලිනාට්ය තමයි නීල පලිගු දිය.ඉරේශ් ලොකුබණ්ඩාර අයියා තමයි direct කලේ..එයා මට හරි පාර පෙන්නපු ගුරුවරයෙක්..මම හිරු එකට මුලින්ම වැඩ වලට එන්නේ රුමේශ් ටොලමි අයියගේ වැඩකින්..ඒ තුළින් බොහෝ වැරදි හදාගත්තා. මොකද අත්දැකීම් තිබුනේ නෑ අලුත් නිසා.මුල හොද වුණ නිසා හිරු එකේ නාට්ය වල මම අදටත් වැඩ.රාජ් සර් මට ගොඩක් උදව් කරලා තියෙනවා. ගමෙන් එලියලට එන්න පුලුවන් වුනේ ඒ නිසයි. ප්‍රියන්ත ආරියදාස අයියවත් මතක් කරන්නම ඕනේ.. අදටත් මට ගොඩක් උදව් කරනවා එයා. කියනවනම් නම් ගොඩක් තියෙනවා ඒ නිසා මට වචනයකින් හරි උදව් කරපු හැමොටම මන් ගොඩක් ස්තුති කරනවා..
-ඔබේ පියාගෙ කැමත්ත නිසාද ඔබ රංගන ශිල්පිනියක් වුණේ?
ඔව් ..මගේ තාත්ති නැතිවෙන්න කලින් ඉල්ලපු අන්තිම දේ..මොකද මම කුඩා කාලේ ඉදන්ම ආසයිලු රඟපාන්න.Films බලලා ඒ විදියට ඇදගෙන තාත්ති ඉස්සරහ රඟපානවලු. හැබැයි තාත්ති කිව්වෙ දක්ෂ වගේම චරිතය ලස්සන නිලියක් වෙන්න කියලා. ඒකයි මගේ ගමන මම ගොඩක් හිමින් යන්නේ හරි විදියට..
– ක්ෂේත්රයට අලුතින් එන අයට ඔබට මොනවද කියන්න තියෙන්නෙ?
හිමින් හරි කමක් නෑ හරි විදියට තමන්ගේ ගමන යන්න..දෙයක් ඉගෙනගෙන එන්න..කෙටි ක්‍රම ඕනේ තරම් ඇති ..ඒත් රැදෙන්න පුලුවන් දක්ෂයන්ට විතරයි..මටත් කිව්වෙ ඔය කතාව ඉරේශ් ලොකුබණ්ඩාර මගේ ගුරුවරයා…මම ඒ විදියට හිටපු නිසා අදටත් වැරදුනේ නෑ මට..එයාලටත් කියන්න තියෙන්නේ ඒ දේ තමයි.
– ඔබේ ඉදිරි බලාපොරොත්තු මොනවද?
මගේ බලාපොරොත්තුව නම් දක්ෂ නිලියක් වෙන්න ආසයි මිනිස්සු ආදරේ කරන.මොකද මගේ තාත්තිගේ හීනේ ඉෂ්ඨ කරන්න ඕනේ මට.තව මගේ අම්මව රැජිනක් වගේ බලාගන්න ඔනේ..විදේශගතවීමටත් බලාපොරොත්තුවක් තියෙනවා..
ස්තුතියි තිලිනි ! ඔබේ ඉදිරි ජයග්‍රහණයන්ට bostonlanka.com අපෙන් සුබපැතුම් !
සටහන – තරුෂි නවංජනා ලියනාච්චි.
