යුක්තිය ඉටු නොවීම , පමාවී ඉටුවන යුක්තිය හෝ යුක්තිය ඉටු කිරීමට කල් ගත වීමට වඩා යහපත්….
හිතන්නකො ගැහැණු ලමයෙක් අවුරුදු 14 දී හෝ ඊටත් අඩු වයසකදි සමුහ දුශණයකට හෝ දුශණයකට මුහුණ දුන්නය කියලා ,, දැන් ඔන්න ඒ ගෑණු ලමයා ඒ සිදුවීමෙන් පස්සෙ සමාජයට මුහුණ දීලා ඉස්සරහට යනවා.. එතකොට ඒ කාලේදිම අර සැකකරුවන් / චුදිතයින් නිතීයෙ රැහනට හසු වෙලා ඇප මත එලියට ඇවිත් නඩුවේ තීන්දුව ප්‍රකාශයට පත් කරන තුරු සමාජයෙ නිදහසේ හැසිරෙනවා..
ඔන්න දැන් මේ ගෑණු දැරිවි ලොකු මහත් වෙලා අවුරුදු 7 ක් අටක් නැත්තම් 10 ක් විතර ගත වෙලා,, සමාජයට මේ සිදුවීම අමතකයි,, ඇයත් කාලයාගෙ ඇවෑමෙන් මේ සිදුවීම අමතක කරලා තමන්ගෙ ජිවිතේ හුඟක් ඉස්සරහට ගිහින් ,,
එක්කො හොඳට ඉගෙන ගෙන මේ දැරිවි උසස් තනතුරක් දරනවා
එහෙමත් නැත්තම් තමන්ගෙ නිසි වයසට පැමිණිලා විවාහයක් කරගන්න සූදානමෙන්,,
ඒත් නැත්තම් විවාහ වෙලා ඇයට දැන් දරුවන් සිටින යහපත් පවුල් ජිවිතයක් ගත කරන ගැහැණියක් ,,
නමුත් අධිකරණ ක්‍රියාවලිය තවම අවසන් නෑ..නඩු කටයුතු වල ප්‍රමාදය , අධිකරණ තදබදය වගෙ පොදුවෙ බලපාන කරුණු නිසා ඔන්න අන්තිමෙ තීරණෙ දෙන්නෙ අවුරුදු දහයකට විතර පස්සෙ,,
අවසාන තීන්දුව දෙන දවස එනවා .. ඔන්න මේ තරුණිය එදිනට ඇගෙ වත්මන් ස්වාමිපුරුශයා එක්ක හෝ පෙම්වතා සමඟ උසාවියට එනවා එක්කො තීන්දුව ප්‍රකාශයට පත් කරන්න යන්නෙ ඇගෙ මංගල දිනයට ඔන්න මෙන්න තියා ,,ඇගෙ අතීතය මේ කිසිවෙක් නොදන්නවා වෙන්නත් පුලුවන්,,
ස්ත්‍රී දූශණය දණ්ඩ නීතී සංග්‍රහය යටතෙ බරපතල අපරාධ වරදක්නෙ..
ඔන්න එතනදි ඇයට යුක්තිය ඉටු වෙනවා,, චුදිතයන් අපරාධකරුවන් බවට අධිකරණ ක්‍රියාවලියෙදි සාධරණ සැකයෙන් ඔබ්බට ඔප්පු වෙලා තියෙන නිසා අපරාධකරුවන්ට විසි වසරකට නොවැඩි සිර දඩුවමක් හෝ 1995 අංක 22 පනතින් දණඩ නීතී සංග්‍රහයට ගෙනාපු සංශෝධන අනුව වින්දිත පාර්ශවෙට අධිකරණය නියම කරන වන්දියක් ගෙවීමට නියම කෙරෙනවා හෝ මේ දඩුවම් දෙකම ලබා දෙන්න අධිකරණය තීන්දු කරනවා,,
ඉතින් අවුරුදු 10 ට පසුව ඇයට මේ ලැබෙන තීන්දුවෙන් ඈට සත්‍ය වශයෙන්ම යුක්තිය ඉටු වෙනවා කියලා ඔබ හිතනවාද??? 
ඔබ එහෙම හිතනවා නම් ඔබේ මොලේ හොදටෝම අප්සෙට්!! 
මෙතන තියෙනවා හරිම මානුශිය පැතිකඩක්,, වසර ගනනාවක බරපතල මානසික තුවාලයක් ආයි පෑරෙනවා,, තීන්දුව ප්‍රසිද්දියට පත් වීම හරහා ඈ ආයාසයෙන් යටපත් කල අතීතය නැවත උඩට එනවා දිය යට සැඟවුන රබර් බෝලයක් වගෙ,, සමහරවිට මේ තීන්දුව නිසාම මෙතෙක් ඈ ගතකල සන්සුන් ජිවිතය නොසන්සුන් වෙනවා ,, මේ පිලිබදව එකල නොදත් බොහෝ දෙනා දැනුවත් වෙනවා,, පවුල් ඒකකයෙදි ඈට ලැබුනු තීන්දුව නිසා වත්මන් ස්වාමිපුරුශයා ඇතුලු සමස්ථ පවුල් ඒකකය සමාජය ඉදිරියෙ දැඩි අපහසුතාවකට පත් වෙනවා,,, එක්කො මේ තීන්දුව ප්‍රසිද්ධියට පත් වීම නිසා ඇගෙ පෙම්වතා හෝ අපේක්ශිත ස්වාමියා ඈ විවාහ කර ගැනීම ප්‍රතික්ශේප කරනවා,,,
ඉතින් මේ පමාවී ඉටු වෙන යුක්තිය ට වඩා යුක්තිය ඉටු නොවීම තුබුනා නන් කොයිතරම් යහපත්ද කියලා ඈට හිතෙනවා,,,
හිතෙනවද නැද්ද? සහෝදරවරුනි?
නීතීයෙ පිලිගත් සිද්ධාන්තයක් / කියමනක් තියෙනවා
යුක්තිය ඉටු නොවීම , පමාවී ඉටුවන යුක්තිය හෝ යුක්තිය ඉටු කිරීමට කල් ගත වීමට වඩා යහපත් ය කියලා ,,
පැහැදිලි අර්ථය යුක්තිය ඉටු වන්නෙ පමාවී නම් එයින් කිසිවෙකුට සිදුවන යහපතක් නැත කියන එකයි,,, නමුත් ස්ත්‍රී දුශණ වලදි හා බොහොමයක් අපරාධමය වැරදි සිවිල් නඩු කටයුතු වලදි උදාහරණයක් විදියට ගත්තොත් ඉඩම් නඩු බූදල් නඩු වගේ දේවල් වලදි පවා අපේක්ශිත සාධාරණත්වය ලැබෙන්නෙ වසර ගණනාවකට පස්සෙ…
එක්කො වින්දිත පුද්ගලයා යුක්තිය නිසා අපහසුතාවට පත්වෙන කාල සීමවකදි, අපේක්ශිත වත්කම දේපල වල වෙලඳපල වටිනාකම පවා අහෝසි ව ගිය කාලයකදි ,, නැත්තම් ලබාගන්නා දේපලට වඩා නඩු ගාස්තු වශයෙන් වැයකල ප්‍රමාණය අධික මොහොතක යුක්තිය ඉටු වීමෙන් පලක් තියෙනවද??
ඒ වගේම තමයි මං කියපු ගණයේ ස්ත්‍රී දූශණ නඩුවකට විශේශ කරලා කතා කලොත් ස්ත්‍රී දුශණ නඩුවක් අධිකරණය ඉදිරියෙ විභාග වෙන අවස්තාවකදි ඇත්තෙන්ම හරි පිලිකුල් සහගත ප්‍රශ්න කිරීම් හා විත්තියෙ හරස් ප්‍රශ්න ආදි නින්දිත ප්‍රශ්න කිරීම් වලට මූණ දෙන්න අදාල දැරියට සිදු වෙනවා,, අන්න එතනදිත් බරපතල ලෙස ඇය මානසික පීඩාවකට මූණ දෙනවා,,
එක් පුද්ගලෙයෙක් හමුවෙ විනාශ වුන ජිවිතය සභාවක් ඉදිරියෙ වමාරන්න වෙනවා,,සමහර විට මේ ප්‍රශ්න අහන්නෙ වැඩිවිය පැමිණිලාවත් නැති ප්‍රජනන ක්‍රියාවලිය මොකක්ද කියලවත් දන්නෙ නැති පුන්චි කෙල්ලෙක්ගෙන් … ඇය මේ ප්‍රශ්න හමුවෙ අන්දුන්කුන්දුම් වෙනවා ඇත්තෙන්ම එතනදි ඇය මුහුණදෙන ප්‍රශ්ණ කිරීම් තලු මර මරා ඉදිරිපත් කරන ප්‍රශ්න කිරිම් නිසා මුලු අධිකරණය ඉදිරියේම ඇය නැවත නැවත දහස් වතාවක් මානසිකව දුශණය වෙනවා,,
යුක්තිය ඉටුවන බව පමණක් නොවෙ යුක්තිය ඉටුවන බව පෙනෙන්නටද තිබිය යුතුයි කියන නීතීයෙ නිසි ක්‍රියාදමය සුරක්ශිත කරන්න අවශ්‍ය කරන වැදගත් සාධකයක් තමයි අධිකරණයෙ විවුර්ත භාවය,,
සරලවම කිව්වොත් නඩුවක් විනිශ්චය කරන ආකාරය සෑම කෙනෙක්ටම දැකබලා ගත හැකි ලෙස විවුර්තව සිදුකිරීම තමයි මේ කියන සිද්ධාන්තය,, ඒ වගේම නඩු කටයුතු වල විවුර්ත භාවය අයිතිවාසිකමක් හැටියටත් පිලිගෙන ආණ්ඩුක්‍රම ව්‍යවස්ථාවෙන් ඒක තහවුරු කරලා තියෙනවා..
නමුත් සමහර සංවේදි , සුවිශේශි නඩු විභාග මහජනයාගෙන් බැහරව පවත්වන්නත් පුලුවන් නමුත් අදාල පාර්ශව හා අධිකරණ ක්‍රියාවලියට සම්බන්ධ හැම පාර්ශවයක්ම එලියට දාලා ස්ත්‍රී දුශණ නඩුවක් උනත් අහන එක ප්‍රායෝගිකව ටිකක් අමාරුයි!!
එතනදිත් තව දුරටත් අදාල වින්දිත පාර්ශවය / තරුණිය හෝ දැරිය කම්පනයකට පත් වෙනවා විතරමයි!
නිතීයත් යුක්තියත් හැම වෙලේම එකක් නෙමෙයි,, අන්න ඒ නිසාම සමහර වෙලාවට තදබල මානසික පීඩාවන් හමුවෙ උනත් අධිකරණය ඉදිරියෙ මුහුන දීලා ප්‍රරශ්න කිරීම් වලට ලක් වෙලා අන්තිමෙ චූදිතයන් නිදොස් කොට නිදහස් උනොත් සමාජය ඉදිරියෙ ගර්හාවට ලක් වන්නෙත් අර තරුණියමයි!
දරුනුම කේදවාචකය, මේ වගේ කාලකන්නි ස්ත්‍රී දූශණයකින් පස්සෙ තරුණියක් ගැබ් ගත්තොත් ඒ කලලය පිලිලයක් කරගෙන ජිවිතය ගෙවනවා විනා ඉන් නිදහස් වීමටත් ඈට නිතීයෙන් අවසර නෑ හිතවත්නි!! නීතියෙ හැටියට ස්ත්‍රී දුශණයක් නිසා ඇතිවන කලලයක් ගබ්සා කිරීම තහනම්!!
ඉතින් හිතවතුනි!! ස්ත්‍රී දුශණ නඩුවක අධිකරණ ක්‍රියාවලිය මෙන්න මේ වගෙ එකක් නම් අපේක්ශිත යුක්තිය පවා ඉටු වන්නෙ කල් ගත වෙලා නම් එවන් අපරාධයකට ලක් වෙච්ච තරුණියකට දිවි තොර කර ගැනීම හැර වෙනත් මාර්ගයක් තිබෙනවද කියන එක ප්‍රශ්ණකාරීද නැද්ද?
අවුරුදු 16 ට අඩු දැරියක් සමඟ ඇගෙ කැමත්ත ඇතිව හෝ නැතිව සංසර්ගයෙ යෙදීම ස්ත්‍රී දුශණයක් ය කියන නිතීයම අවුරුදු 18 ට එහා තරුණියක් සමඟ ඇගෙ කැමැත්තෙන් සංවාසයෙ යෙදුනාට කමක් නෑය කියනවා( අනාචාරය නොවෙ) ඉතින් එතකොට මේ අවුරුදු 16-18 ත් අතර තියෙන අවුරුදු දෙක ගැන නිතීයට අමතක උනේ කොහොමද?? අන්න එතනත් නිතීය හරිම ප්‍රශ්නකාරී,,,
ඒ වගෙම සමහර අවස්ථාවල මං දැකලා තියෙනවා 18 ට වැඩි ස්ත්‍රී දුශණ නඩු වලදි චුදිත පාර්ශවයෙ නිතීක්න මහත්වරු ඉතා නින්දිත විදියට ඔප්පු කරන්න හදනවා අදාල තරුණියට ඒ අවස්ථාවෙ සංවාසයට කැමැත්තක් තිබුනාමයි කියලා,,, මිත්‍රවරුනි ඒක ඔප්පු කරන්න අර තරුණියගෙන් අහන නින්දිත ප්‍රශ්නාවලිය ඇසුවොත් ඔබ අනිවාර්‍යෙන් නීතී වුර්තීයට පමණක් නෙමෙ සමස්ථ නිතී පද්ධතියටම වෛර කරනවා!!
ඉතින් වයස 14 ක දැරියක් සමුහ දූශණයකට ලක් වෙලා තව දුරටත් නීතිය හමුවෙ හා මාද්‍ය හමුවෙ දූශණය ට ලක් නොවී දිවි තොර කර ගැනීම ගැන එක අතකින් අපි සතුටු වෙමු මිත්‍රරවරුනි!!!
ලංකාවෙ සංස්කුතික බහුබූතය හා නෛතික රාමුව හමුවෙ ඈ තැලී පෙලී ගර්හාවට ලක් නොවිම පිලිබදව අප සන්තෝස වෙමු !!
අතීතයක් ඇති ගැහැණියට අනාගතයක් නැති බව පුන පුනා කියන සමාජයට මුහුණ නොදී ඈ ජිවිතයෙන් සමු ගැනීම ගැන අපි සතුටු වෙමු!!!
අනාගතයක හිමිකම එවන් තරුණියන්ට අහිමි කරන සමාජයට, නීතීයට හා මාද්‍යයට අපි අදත් හෙටත් ස්තුතී කරමු!!!
අමනයින් ලෙස!! ඔව් අමනයින් ලෙස!! 
චා
️න්‍යා
