හංවැල්ල, තුන්නාන ප්‍රදේශයේ දී සිදුවු වෙඩි තැබීමකින් පුද්ගලයෙකු තුවාල ලබා රෝහල් ගත කර තිබේ.
ඊයේ (13) රාත්‍රී යතුරුපැදියකින් පැමිණි නාඳුනන් තුවක්කුකරුවන් දෙදෙනෙකු විසින් නිවසක සිටි පුද්ගලයෙකුට මෙලෙස වෙඩි තබා පළාගොස් ඇති බව පොලීසිය පැවසුවේය.
වෙඩි වැදීමෙන් තුවාල ලැබු පුද්ගලයා ප්‍රතිකාර සඳහා අවිස්සාවේල්ල රෝහලට ඇතුළත් කර තිබේ.
තුවාල ලැබු පුද්ගලයා 55 හැවිරිදි තුන්නාන ප්‍රදේශයේ පදිංචිකරුවෙකි.
වෙඩි තැබීමට හේතුව හෝ සැකකරුවන් සම්බන්ධයෙන් මෙතෙක් තොරතුරු අනාවරණය වී නොමැති අතර සිද්ධිය සම්බන්ධයෙන් හංවැල්ල පොලීසිය ඇතුළු පොලිස් කණ්ඩායම් කිහිපයක් විමර්ශන ආරම්භ කර තිබේ.
මෙම වෙඩි තැබීමේ සිදුවීම සම්බන්ධයෙන් අසල්වාසීන් මෙලෙස අදහස් පළ කළේය.
“බුදු අම්මෝ කියලා කෑ ගහනවා ඇහුවා. සද්දෙට දොර ඇරගෙන ගියා මම. අපි මුකුත් දැක්කේ නෑ. මල්ලි පුතාව බදාගෙන ඉන්නවා. ඊට පස්සේ ත්‍රීවිල් එක්ක නග්ගලා ඉස්පිරිතාලේට යැව්වා…
මම නිදාගෙන හිටියේ. ජනේලෙ ගාවින් අපේ ගෙදරට තියෙනවා වගේ ඇහුණේ. වෙඩි හඬවල් තුනක් ඇහුණා. මම පුතාව අරන් ඇදෙන් බිමට ආවා. මම පුතාව බිම නිදිකරවලා එයාව කවර් කරගත්තා. අපි නිදාගෙන නේ හිටියේ. කෑ ගහන සද්දේ ඇහුණා. මම එකපාරට නැගිට්ටේ නෑ. පුතාව කවර් කරගෙන ඇවිත් තාත්තාගේ කාමරේට දැම්මා. කෑ ගහන සද්දේ විතරයි අපිට ඇහුණේ.”
