හිටපු ජනධිපති රනිල් වික්රමසිංහ මහතා මල්වතු සහ අස්ගිරි උභය පාර්ශ්වයේ මහා නාහිමිවරුන් බැහැදැක ආශීර්වාද ලබාගෙන තිබේ.
අද පෙරවරුවේ මහනුවර සංචාරයකට එක්වූ හිටපු ජනාධිපතිවරයා මල්වතු පාර්ශ්වයේ මහා නායක අතිපූජ්ය තිබ්බටුවාවේ ශ්රී සුමංගල නාහිමි සහ අස්ගිරි පාර්ශ්වයේ මහා නායක අතිපූජ්ය වරකාගොඩ ශ්රී ඥානරතන නා හිමියන් බැහැදැක තිබේ.
මෙහිදී හිටපු ජනාධිපතිවරයා වත්මන් දේශපාලන තත්ත්වය සම්බන්ධයෙන් මහනාහිමිවරුන් සමඟ සාකච්ඡා කර ඇති බව වාර්තා වේ.
කෙසේ වෙතත් මෙම අවස්ථාව ආවරණය කිරීමට මාධ්යවේදීන්ට අවස්ථාව නොලැබුණු අතර නාහිමිවරුන් සමඟ පැවැති සාකච්ඡාවෙන් අනතුරුව රනිල් වික්රමසිංහ මහතා මාධ්යවේදීන් යොමු කළ ප්රශ්නවලදී පවසා සිටියේ, තමා දැන් දේශපාලනයේ නොමැති බවය.
වත්මන් නීතිපතිවරයා ඉවත් කිරීමේ සූදානම පිළිබඳව මාධ්යවේදීන් හිටපු ජනාධිපතිවරයාගෙන් විමසා සිටියේය.
