කුප්පි ලාම්පුවක් දල්වාගෙන කෙසෙල්වත්ත, සාංචිආරච්චි වත්ත ප්රදේශයේ පාළුවට ගිය අඳුරු සහිත ගොඩනැගිල්ලක් තුළ අයිස් මත්ද්රවය පානය කරමින් සිටි නීතිඥවරයෙකු කෙසෙල්වත්ත පොලීසිය මඟින් අත්අඩංගුවට ගෙන මාළිගාකන්ද මහෙස්ත්රාත් අධිකරණය වෙත ඉදිරිපත් කිරීමෙන් අනතුරුව පෙබරවාරි 26 වෙනිදා දක්වා රක්ෂිත බන්ධනාගාරගත කිරීමට නියෝග කර තිබේ.
එම නීතිඥවරයා සන්තකයේ තිබී අයිස් මත්ද්රව්ය මිලිගෑම් 130ක්, කුඩා වීදුරු කැබැල්ලක්, බටයක් ආකාරයෙන් සකසාගත් රුපියල් 20ක මුදල් නෝට්ටුවක් මෙන්ම උපත් පාලන කොපු 06ක්, ළදරු තෙල් බෝතලයක්, නීතිඥ හැඳුනුම්පතක්ද හා පොලිස් භාරයට ගෙන ඇත.
කෙසෙල්වත්ත පොලීසියේ අපරාධ අංශයේ ස්ථානාධිපතිවරයා ඇතුළු කණ්ඩායමකට ලද තොරතුරකට අනුව පාළුවට ගිය අඳුරු සහිත ගොඩනැගිල්ල තුළට ගොස් පරීක්ෂා කිරීමේදී සැකකාර නීතිඥවරයා මත්ද්රව්ය පානය කරමින් සිටි බව පොලීසිය කියයි.
සැකකරු සන්තකයේ තිබූ නීතිඥ හැඳුනුම්පත පරීක්ෂා කිරීමේදී 1996 වර්ෂයේ නීතිඥ වෘත්තියේ දිවුරුම්දුන් අයෙක් බවට අනාවරණය වී ඇතැයිද අලුත්කඩේ මහෙස්ත්රාත් අධිකරණය හා මහාධිකරණය නීතිඥ වෘත්තියේ යෙදෙන අයෙක් බවට විමර්ශනවලදී කරුණු අනාවරණය වූ බව පොලීසිය කියයි.
අත්අඩංගුවට ගත් සැකකාර නීතිඥයා කළුබෝවිල සරණංකර පාර පදිංචි 54 හැවිරිදි පුද්ගලයෙකි.
