අයියාගේ පොලු පහරින් මල්ලී අවසන්ගමන් යයි…..

ඉඩම් ආරවුලක් දුරදිග යෑමෙන් ඇතිවූ බහින්බස් වීමකින් වැඩිමහල් සහෝදරයා විසින් බාල සහෝදරයාට කුරුඳු පොල්ලකින් සිදුකළ පහරදීමකින් එම සහෝදරයා මරණයට පත්ව තිබේ.

ඇල්පිටිය, බටුවන්හේන පොල්ගස්වත්ත ප්‍රදේශයේ අද (26) පෙ.ව. 11ට පමණ මෙය සිදුව ඇත.

මෙම දෙදෙනාගේම නිවාස සිද්ධිය වූ ස්ථානයට නුදුරුව පිහිටා ඇති බව සඳහන්ය.

මිනුම් කටයුතු සඳහා මිනින්දෝරුවන් පැමිණ එම කටයුතු අවසන් කිරිමෙන් පසු ඉඩම සම්බන්ධයෙන් දෙදෙනා අතර මෙම බහින්බස් වීම ආරම්භ වී තිබේ.

එහිදී මියගිය අයට කුරුඳු පොල්ලකින් පහර දී ඇති අතර, එම ප්‍රහාරයත් පහරකෑ පුද්ගලයා බිම වැටී ඇත.

ඉන් පසු පවුලේ අය එක්ව ඔහුව වහාම ඇල්පිටිය මූලික රෝහල වෙත රැගෙන ගියත්, ඒ වනවිටත් ඔහු මියගොස් සිට තිබේ.

මෙලෙස මියගොස් ඇත්තේ 73 හැවිරිදි පස්දරු පියෙක්ය.

සිද්ධියට අදාළ සැකකරු අත්අඩංගුවට ගැනීමට ඇල්පිටිය පොලීසිය විමර්ශන කටයුතු ආරම්භ කර තිබේ.