Category: Uncategorized

හෝමාගම – නියඳගල ප්‍රදේශයේ සිදුවූ වෙඩි තැබීමකින් පුද්ගලයෙක් මියගොස් ඇති බව පොලීසිය පවසනවා.

ඒ අනුව ඊයේ (20) රාත්‍රියේ නිවසක සිටි පුද්ගලයෙකුට නාඳුනන පිරිසක් වෙඩි තබා පලාගොස් ඇති බවයි සඳහන් වන්නේ.

සිද්ධියෙන් මියගොස් ඇත්තේ අවුරුදු 46 ක පුද්ගලයෙන් වන අතර සිද්ධිය සම්බන්ධයෙන් පොලීසිය වැඩිදුර විමර්ශන සිදුකරනවා.

අත්‍යවශ්‍ය නඩත්තු කටයුත්තක් හේතුවෙන් කොළඹ ප්‍රදේශ කිහිපයකට හෙට (13) පැය 20ක ජල කප්පාදුවක් සිදු කරන බව ජාතික ජල සම්පාදන හා ජලාප්‍රවාහන මණ්ඩලය පවසනවා.
ඒ අනුව හෙට (13) උදෑසන 10.00 සිට අනිද්දා (14) උදෑසන 6.00 දක්වා මෙලෙස ජල සැපයුම අත්හිටුවන බවයි සඳහන් වන්නේ.
මෙලෙස ජල සැපයුම අත්හිටුවන්නේ, ගොරකපිටිය, සිද්ධමුල්ල, ඇරැව්වල, රත්මල්දෙණිය, මහරගම – පිළියන්දල මාර්ගය, එදිරිසිංහ මාවත, මොරකැටිය පාර, බෝකුන්දර පාර සහ ඊට යාබද සියලු අතුරු මාර්ගවලටයි.

බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් තද වැසි සම්බන්ධයෙන් නිවේදනයක් කාලගුණ විද්‍යා දෙපාර්තමේන්තුව නිකුත් කර තිබෙනවා.

ඒ අනුව දිවයිනේ නිරිත දිග කොටසේ වැසි තත්ත්වයේ වැඩිවීමක් බලාපොරොත්තු විය හැකි බවයි එම දෙපාර්තමේන්තුව සඳහන් කළේ.

බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති විය හැකි අතර ඇතැම් ස්ථානවලට මි.මී 100 ඉක්මවූ තද වැසි ඇතිවිය හැකියි.

ගිගුරුම් සහිත වැසි සමග ඇතිවිය හැකි  තාවකාලික තද සුළංවලින් සහ අකුණු මඟින් සිදුවන අනතුරු අවම කරගැනීමට අවශ්‍ය පියවර ගන්නා ලෙසයි කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටින්නේ.

ගිනිකොණ දිග බෙංගාල බොක්ක මුහුදු ප්‍රදේශයේ පවතින ගැඹුරු පීඩන අවපාතය පිළිබඳව අනතුරු ඇඟවීමේ නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබෙනවා.

ඒ අනුව ගිනිකොණ දිග බෙංගාල බොක්ක මුහුදු ප්‍රදේශයේ පැවති පීඩන අවපාතය ගැඹුරු පීඩන අවපාතයක් දක්වා වර්ධනය වී අද උදේ 08.30 වන විට 8.80N – 88.90E ආසන්නයේ කේන්ද්‍රගතවී පැවතුන බවයි සඳහන් වන්නේ.

එය අද සවස් කාලයේදී සුළි කුණාටුවක් දක්වාත්, ඉන්පසු හෙට මධ්‍යම බෙංගාල බොක්ක මුහුදු ප්‍රදේශයේදී චණ්ඩ සුළි කුණාටුවක් දක්වාත් වර්ධනය වීමට බොහෝ දුරට ඉඩ ඇති බවත්, එම පද්ධතිය උතුරට බරව ඊසාන දෙසට ගමන් කරමින් බංග්ලාදේශ සහ මියන්මාර වෙරළ තීරය වෙත ළඟාවෙනු ඇතැයි බලාපොරොත්තු වන බවද සඳහන්.

ඒ අනුව දැනට ඉහත සඳහන් මුහුදු ප්‍රදේශවල ධීවර කටයුතුවල යෙදී සිටින පිරිස් වහාම ගොඩබිමට හෝ ආරක්ෂිත ස්ථානයක් වෙත පැමිණෙන ලෙස කාලගුණ විද්‍යා දෙපාර්තමේන්තුව ඉල්ලා සිටිනවා.

මේ සම්බන්ධයෙන් නිකුත් කළ නිවේදනය පහතින්.

ශ්‍රී ලංකා මහ බැංකුවේ අනුමැතියකින් තොරව මූල්‍ය සමාගමක් පිහිටුවා අධික
පොළියක් ලබාදෙන බවට පොරොන්දු වී විවිධ පුද්ගලයින්ගේ රුපියල් කෝටි 162ක
මුදල් තැන්පතු ගැනීම ඒවා නැවත ලබා නොදීම ඇතුළු අධිචෝදනා 11 යටතේ නඩුවක පැටලුණ ප්‍රකට ඉංග්‍රීසි දේශක සක්විති රණසිංහ ඒ සම්බන්ධ නඩුව ඊයේ
මහාධිකරණයේදී විභාගවූ අවස්ථාවේ තමා වැරදිකරු බව ඔහු විසින් පිළිගත් අතර ඒනිසා ඔහුට වසර 22ක බරපතළ වැඩසහිත දඬුවම් නියමකළ නමුත් අධිකරණය එය වසර 5කට අත්හිටුවන ලදි.

එම නියෝගයට අනුව ඔහු සිරගත කිරීමක් සිදු නොකරන අතර අදාළ කාලය තුළ ඔහු එවැනි වරදක් සිදුකළහොත් පමණක් සිර දඩුවම ක්‍රියාත්මක කිරීමට නියමිතය. ඒ අනුව ඔහුට ඊයේ ගෙවන්නට සිදුවූයේ අධිචෝදනා 11ට වෙන් වෙන්ව රුපියල් 25,000 බැගින් රුපියල් දෙලක්ෂ හැත්තෑපන්දහසක මුදලක දඩයක් පමණි.
මෙම වරද සම්බන්ධයෙන් වසර 09 කට අධික කාලයක් රිමාන්ඩ්බ න්ධනාගාරගත කර සිටි ඔහු 2019 ඇප මත නිදහස්වූ නමුත් නඩුව දිගටම ක්‍රියාත්මක විය. ඔහු කියා තිබුනේ තමන්ට එම විශාල මුදල පියවීමට හැකියාවක් නැති බවයි.
මුදල් තැන්පත්කරුවන් නීත්‍යානුකූල නොවන ගනුදෙනුවක කොටස්කරුවන් වූ නිසා රජය එම පාඩුව පියවීමට ඉදිරිපත් වූයේ නැත.

ඊයේ දෙලක්ෂ හැත්තෑපන්දහසක දඩ මුදල් නොගෙවන්නේ නම් අමතර මාස හය බැගින් වූ ලිහිල් සිර දඬුවම් ලබාදීමට නියෝග කර තිබුණත් ඔහු එම මුදල පහසුවෙන් ගෙවා දැම්මේය.

වංචාවට ආධාර අනුබලදීමේ චෝදනා යටතේ වරද පිළිගත් දෙවන විත්තිකාරිය වන ඔහුගේ හිටපු බිරිඳට ද වසර 2ක සිර දඬුවම් නියම කළ විනිසුරුවරයා එය වසර 5කට අත්හිටුවා රුපියල් 25,000 ක දඩයක් ගෙවීමට නියෝග කළේ ය.
කොළඹ මහාධිකරණ විනිසුරු අමල් රණරාජා මහතා විසින් මෙම දඩුවම් නියම කළේය.

හෙට (අගෝ. 10) සිට බලපැවැත්වෙන පරිදි සියයට 75ක සාමාන්‍ය අගයකින් විදුලි ගාස්තු ඉහළ දැමීම සඳහා විදුලි බල මණ්ඩලයට අවසර ලබා දී ඇති බව මහජන උපයෝගිතා කොමිසම පවසයි.

එම කොමිසමේ සභාපති ජනක රත්නායක මේ බව පැවසීය.

ඒ අනුව, ඒකක 30ක් දක්වා භාවිත කරන පාරිභෝගිකයින්ගේ විදුලි බිල සඳහා අමතරව රුපියල් 198ක මුදලක් මෙම ඉහළ දැමීම හරහා එකතු වනු ඇත.

ඒකක 30ත් 60ත් අතර සියයට 200කින් සහ 60ත් 90ත් අතර විදුලි ඒකක ප්‍රමාණයක් භාවිත කරන පාරිභෝගිකයන් සඳහා සියයට 125කින් ගාස්තු ඉහළ නංවන බව මහජන උපයෝගිතා කොමිසමේ සභාපතිවරයා පැවසීය.

ඒ අනුව, ඒකක 31ත් 60ත් අතර සාමාන්‍ය විදුලි බිලේ ඉහළ යාම රුපියල් 599ක් පමණ වනු ඇති අතර ඒකක 61ත් 90ත් අතර සාමාන්‍ය විදුලි බිල රුපියල් 1461ක් පමණ සහ ඒකක 90ත් 120ත් අතර රුපියල් 2,900ක් පමණ ප්‍රමාණයකින් ද විදුලි බිල ඉහළ යනු ඇති බව ඔහු වැඩිදුරටත් පැවසීය.

 

නිවේදනයක් නිකුත් කරමින් ශ්‍රී ලංකා රතු කුරුස සමාජය පවසන්නේ කොළඹ
මහේස්ත්‍රාත් අධිකරණය ලබාදුන් අධිකරණ නියෝගයකට අනුව ජුලි 21 වැනිදා ගෝඨා ගෝ ගම විරෝධතා භූමියෙන් ප්‍රථමාධාර කඳවුර ඉවත් කළ බවයි.

බණ්ඩාරනායක ප්‍රතිමාවේ සිට මීටර් 50ක පමණ වට ප්‍රදේශයක් විරෝධතාව
පැවැත්වෙන ස්ථානයට රැස්වීම තහනම් කරමින් අධිකරණය මීට පෙර නියෝගයක් නිකුත් කර තිබු අතර අනතුරුව ආරක්ෂක අංශ යොදවා විරෝධතාකරුව්න රැඳී සිටි විශාල පෙදෙසක් අත්පත් කරගැනීමටද රජය කටයුතු කර තිබුණි.