ආනයනකරුවන් කියන විදියට ජංගම දුරකථන මිල අඩු කරන්න බැහැ – කොමියුනිකේෂන් හිමිකරුවන්

ජංගම දුරකථන මිල 20% කින් අඩු කළ හැකි බවට ඇතැම් සංගම් පැවසුව ද එම සහනය මේ මොහොතේ පාරිභෝගිකයින්ට ලබාදීම අපහසු බව සමස්ත ලංකා කොමියුනිකේෂන් හිමිකරුවන්ගේ සංගමය පවසනවා.

ඒ අනුව පවතින තොග වැඩි මිලට ලබාගත් ඒවා බවත් තවමත් කිසිඳු දෙයක් අඩු මිලකට නොලැබෙන බවයි එම සංගමයේ සභාපති ඉන්ද්‍රජිත් පෙරේරා සඳහන් කළේ.

ඒ අනුව මිල අඩු කිරීමක් සිදුකළ නොහැකි බවයි සමස්ත ලංකා කොමියුනිකේෂන් හිමිකරුවන්ගේ සංගමය වැඩිදුරටත් සඳහන් කළේ.

ජංගම දුරකථන සහ උපාංග වල මිල 20% කින් පමණ අඩු කිරීමට තීරණය කර ඇති බවයි ශ්‍රී ලංකා ජංගම දුරකථන ආනයන සහ විකුණුම්කරුවන්ගේ සංගමය පසුගියදා සඳහන් කළේ.