විකාශන අධිකාරී පනත සම්මත උනොත් රටේ මාධ්‍ය නිදහස සම්පූර්ණයෙන්ම වෙනස් වනවා – ජී.එල්. පීරිස්

යෝජිත විකාශන අධිකාරී පනත ගෙන ඒමේ යෝජනාව හුදෙක් දේශපාලන තීන්දුවක් මත ගනු ලැබූවක් බව පාර්ලිමේන්තු මන්ත්‍රී මහාචාර්ය ජී.එල් පීරිස් පවසනවා.

ඒ අනුව මෙම පනත සම්මත කරන ලද දවසේ සිට මෙරට ඇති මාධ්‍ය නිදහස පිළිබඳ තත්ත්වය සම්පූර්ණයෙන්ම වෙනස් වන බවයි අද (05) පැවති මාධ්‍ය හමුවකට එක්වෙමින් මන්ත්‍රීවරයා සඳහන් කළේ.

මෙම පනත සම්මතවී මාස තුනක් තුළ ගුවන්විදුලි, රූපවාහිනී ඇතුළු ආයතන නව බලපත්‍රයක් ලබාගත යුතු බවයි පාර්ලිමේන්තු මන්ත්‍රී මහාචාර්ය ජී.එල් පීරිස් වැඩිදුරටත් සඳහන් කළේ.