නව කම්කරු නීති පද්ධතිය ජුනි මාසය මුල වන විට කෙටුම්පත් කිරීමට අපේක්ෂා කරන බවත්, එම දල කෙටුම්පත ආයෝජන කලාප ද ඇතුළුව සියලුම ක්ෂේත්රවල වැඩ කරන ජනතාව වෙත ඉදිරිපත් කර ඔවුන්ගේ අනුමැතිය ලබාගැනීමට අපේක්ෂා කරන බවත් කම්කරු හා විදේශ රැකියා අමාත්ය මනුෂ නානායක්කාර පවසනවා.
අමාත්යවරයා අවධාරණය කර සිටියේ නව කම්කරු නීතිය පිළිබඳව සමාජයේ සෑම ස්ථරයකම කතාබහක් ඇති විය යුතු බවයි.
එහිදී සමාජයේ සෑම ස්ථරයකම මෙම කම්කරු නීතිය පිළිබඳව යෝජනා, චෝදනා, විරෝධතා සහ සැක සංකා ඉදිරිපත් විය යුතු බව පෙන්වා දෙන අමාත්යවරයා වැඩිදුරටත් කියා සිටියේ එමඟින් අදාළ කටයුත්ත වඩාත් ශක්තිමත්ව කරගෙන යා හැකි බවයි.
