මෙවර රාජ්‍ය පොසොන් උත්සවය මිහින්තලා රජමහා විහාරස්ථානය කේන්ද්‍ර කරගනිමින් පැවැත්වීමට නියමිතව තිබෙනවා.
මෙවර පොසොන් උත්සවයේ තේමාව වන්නේ “නැගෙමු , පිබිදෙමු, යෙදෙමු , සුරකිමු, මිහිදු මා හිමි දෙසු දහම්” යන්න බවයි සඳහන් වන්නේ.
2019 න් පසුව උත්සවශ්‍රීයෙන් සමරන්නට සැරසෙන පොසොන් රාජ්‍ය පිංකම සඳහා සියලු ආයතනවල සහය නොමදවම ලැබෙනු ඇතැයි අපේක්ෂා කරන බවයි මිහින්තලා රාජමහා විහාරාධිපති ආචාර්ය පූජ්‍ය වලවාහැංගුනවැවේ ධම්මරතන නායක හිමිපාණන් සඳහන් කළේ.
ජුනි මස 02 වනදා සිට 04 වනදා දක්වා සුවිශේෂි පිංකම් රැසක් මිහින්තලාව කේන්ද්‍ර කරගෙන පැවැත්වීමට කටයුතු සැලසුම් කර ඇති බවයි වැඩිදුරටත් සඳහන් වන්නේ.
