මුළු රටේම බිත්තර මිල රු.35 වෙන දවස​ට ආහාර මිල අඩු කරන්න පුළුවන් – බේකරි හිමියන්

රටේ දෛනික බිත්තර අවශ්‍යතාව ලක්ෂ 50 කට වැඩි බවත් තවමත් ශ්‍රී ලංකාවට ගෙන්වා ඇත්තේ බිත්තර ලක්ෂ 20 ක ප්‍රමාණයක් පමණක් බව සමස්ත ලංකා බේකරි හිමියන්ගේ සංගමයේ සහාපති එන්.කේ ජයවර්ධන පවසනවා.

මේ වනවිට සමස්ත ලංකා බේකරි හිමියන්ගේ සංගමයට බිත්තර ලක්ෂ 3 ක් පමණ ලැබී ඇති අතර එය එක් බිත්තරයක් රුපියල් 35 ක මුදලකට බේකරි 25 කට පමණ බෙදාහැර ඇති බවත් ලංකාව පුරා බේකරි 6000 ක් පමණ ඇති බවයි ඔහු සඳහන් කළේ.

ලංකාව පුරා සෑම බේකරියකටම බිත්තර රුපියල් 35 කට ලබා ගැනීමේ හැකියාව ඇත්නම් එදිනට කෑම මිල අඩුකළ හැකි බවයි සමස්ත ලංකා බේකරි හිමියන්ගේ සංගමයේ සහාපති එන්.කේ ජයවර්ධන වැඩිදුරටත් සඳහන් කළේ.