ඉතාලිය විසින් ලෝකයේ වඩාත් ජනප්‍රියත්වයට පත්ව ඇති කෘතිම බුද්ධි (AI) සේවාවක් වන ChatGPT තහනම් කිරීමට කටයුතු කර ඇති බව විදෙස් මාධ්‍ය වාර්තා කරනවා.
ඇමරිකා එක්සත් ජනපදයේ ආරම්භ කරන ලද OpenAI ආයතනය විසින් නිර්මාණය කළ සහ Microsoft ආයතනයෙන් සහය ලබන මෙම කෘතිම බුද්ධි (AI) සේවාව සම්බන්ධයෙන්, පෞද්ගලිකත්වය පිළිබඳව ගැටලු ඇති බව ඉතාලි දත්ත ආරක්ෂණ අධිකාරිය පවසා ඇති බවයි වාර්තා වන්නේ.
ඒ අනුව අදාළ ගැටලුව පිළිබඳව වහාම ක්‍රියාත්මක වන පරිදි පරික්ෂණයක් ආරම්භ කිරීම සඳහා ඉතාලිය තුළ ChatGPT සේවාව භාවිතය තහනම් කිරීමට කටයුතු කළ බව ඉතාලි දත්ත ආරක්ෂණ අධිකාරිය විදෙස් මාධ්‍ය වෙත පවසා තිබෙනවා.
