මෙම වසරේ ආහාර නොවන කාණ්ඩයෙහි වාර්ෂික ලක්ෂ්‍යමය උද්ධමනය පෙබරවාරි මාසයේ පැවති සියයට 48.8හි සිට මාර්තු මාසයේ දී සියයට 51.7 දක්වා ඉහළ ගොස් තිබෙන බව ශ්‍රී ලංකා මහ බැංකුව පවසනවා.
කෙසේ වෙතත් ආහාර කාණ්ඩයෙහි වාර්ෂික ලක්ෂ්‍යමය උද්ධමනය පෙබරවාරි මාසයේ පැවති සියයට 54.4හි සිට මාර්තු මාසයේ දී සියයට 47.6 දක්වා පහළ ගොස් ඇති බවය මහ බැංකුව පවසන්නේ.
2023 මාර්තු මාසයේ දී කො.පා.මි. දර්ශකයේ මාසික වෙනස, සියයට 2.92ක් ලෙස වාර්තා වී ඇති අතර මෙයට ප්‍රධාන හේතුවක් වී ඇත්තේ ආහාර නොවන කාණ්ඩයේ අයිතමවල මිල ගණන්හි මාසික ඉහළ යෑම බවයි මහ බැංකුව පෙන්වා දෙන්නේ.
