විදුලි හොරු වටලා ලැබූ ලාභය මිලියන 130ත් පන්නයි

නීති විරෝධීව විදුලිය ලබාගැනීම සම්බන්ධයෙන් විදුලි බල මණ්ඩලයේ විශේෂ විමර්ෂණ ඒකකය දීප ව්‍යාප්තව සිදු කරන ලද වැටලීම් වලදී පුද්ගලයන් 2617 අත්අඩංගුවට ගෙන මිලියන  එකසිය තිහකට (132.047.949.41 ) අධික ලාභයක් ලබා ඇතැයි විදුලි බල හා පුනර්ජනනීය බලශක්ති අමාත්‍යංශය සදහන් කරයි.

මින් මිලියන 117කට  (117,843,449.41) අධික ප්‍රමාණයක් ලංකා විදුලි බල මණ්ඩලයේ අලාභය ලෙසත් මිලියන 14කට (14,204,500.00)අධික ප්‍රමාණයක් උසාවි දඩ වශයෙනුත් අය කර තිබේ.

2016 වසරේදී ලංවිම විශේෂ විමර්ශන ඒකකය මගින් සිදුකළ විශේෂ වැටලීම් මගින් මීටර් වෙනස්කර විදුලිය ලබාගැනීම් සම්බන්ධ සිද්ධීන් 2105 ක්ද, කොකු යොදා අනවසර ලෙස විදුලිය ලබාගැනීමේ සිද්ධින් 512 ක්ද අනාවරණයවී ඇති බව අමාත්‍යංශය පෙන්වා දේ.

එසේම වංචනික විදුලි පරිහරණයන් සම්බන්ධයෙන් යම් තොරතුරක් වෙතොත් දුරකතන අංක 0112 422259ට දැනුම්දෙන්නැයි මේ සම්බන්ධයෙන් අදහස් පල කරමින් අමාත්‍ය රංජිත් සියඹලාපිටිය මහතා මහජනතාවගෙන් ඉල්ලා සිටී.

ඊට අමතරව විදුලිබල අමාත්‍යාංශයේ සහ ලංකා විදුලිබල මණ්ඩලයේ ක‍්‍රියාත්මක 1901 සහ 1987 ක්ෂණික දුරකතන සේවාද ඒ සඳහා විවෘත බවද මෙම කර්තව්‍ය ජාතික සත්කාරයක් ලෙස සලකන ලෙසද අමාත්‍යවරයා වැඩිදුරටත් සදහන් කරයි..