ජාත්යන්තර මූල්ය අරමුදල සඳහා ශ්රී ලංකාවේ ණය ඉල්ලුම් පත්රයට සහාය ලබාදෙන බවට චීනයේ අපනයන ආනයන බැංකුව සහතික වී ඇති බව චීනය යළි අවධාරණය කර තිබෙනවා.
ඒ් අනුව ශ්රී ලංකාවේ කෙටි කාලීන ණය පහසුකම් ගෙවීම සඳහා වසර දෙකක කාලයක් ලබාදීමට එම එකඟතාව මගින් ප්රකාශ කර ඇති බවයි චීන විදේශ අමාත්යාංශයේ ප්රකාශිකා මාඕ නින්ග් දෛනික මාධ්ය හමුවට එක්වෙමින් ප්රකාශ කර ඇත්තේ.
චීනයේ අපනයන ආනයන බැංකුව විසින් ඊට අදාළ ලේඛන මුදල් අමාත්යාංශය වෙත භාර දී ඇති බවද එම මාධ්ය හමුවේදී ඇය වැඩිදුරටත් සඳහන් කර තිබෙනවා.
ශ්රී ලංකාවේ ණය ප්රතිව්යුහගත කිරීමේ ක්රියාවලියට චීනය අඛණ්ඩව සහාය ලබාදෙන බවයි ශ්රී ලංකාවේ ණය ප්රතිව්යුහගත කිරීම පිළිබඳව සිදුකළ විමසීමකට ප්රතිචාර දක්වමින් චීන විදේශ කටයුතු අමාත්යාංශයේ ප්රකාශිකා මාඕ නින්ග් වැඩිදුරටත් සඳහන් කර තිබෙන්නේ.
