ජාතික දායකත්ව විශ්‍රාම අරමුදල ස්ථාපිත කිරීමට කැබිනට් අනුමැතිය

ජාතික දායකත්ව විශ්‍රාම අරමුදල ස්ථාපිත කිරීමට අදාළ පනත් කෙටුම්පතක් සකස් කිරීම සඳහා ජනාධිපතිවරයා විසින් කැබිනට් මණ්ඩලය වෙත ඉදිරිපත් කළ යෝජනාව සඳහා අනුමැතිය හිමිවී තිබෙනවා.

ඒ අනුව රාජ්‍ය සේවකයෙකු සේවයට බැඳීමෙන් අනතුරුව ඔහුගේ මූලික වැටුපෙන් 8% ක් මාසිකව මෙම අරමුදලට බැරකළ යුතු අතර සේවායෝජකයාගේ දායකත්වය වශයෙන් 12% ක් මාසිකව මෙයට බැරකළ යුතු බවයි අදාළ කැබිනට් තීරණයේ සඳහන් වන්නේ.

මෙම යෝජිත ජාතික දායකත්ව විශ්‍රාම වැටුප් ක්‍රමවේදය ඉදිරියේදී බඳවාගනු ලබන රාජ්‍ය සේවකයින් සඳහා අදාළ වන බවද, 2016 ජනවාරි මාසයෙන් පසු රාජ්‍ය සේවයට බඳවාගත් සේවකයන්ට තම අභිමතය පරිදි මෙම ජාතික දායකත්ව විශ්‍රාම වැටුප් ක්‍රමයට සම්බන්ධ විය හැකි බවද වැඩිදුරටත් සඳහන්.