මෙවර ලංකා ප්‍රිමියර් ලීග් ක්‍රිකට් තරගාවලියේ අවසන් වටයේ (playoffs) තරග අද (21) ආරම්භවීමට නියමිතව තිබෙනවා.
ඒ අනුව අවසන් වටයේ පළමු තරගය (Qualifier 1) ප්‍රසාද ලකුණු සටහනේ පෙරමුණේ පසු වන Kandy Falcons කණ්ඩායම හා දෙවැනි ස්ථානයේ පසු වන Jaffna Kings කණ්ඩායම අතර පැවැත්වීමට නියමිත අතර අද පස්වරු 3.00 ට කොළඹ ආර්. ප්‍රේමදාස ක්‍රීඩාංගනයේ දී එම තරගය ආරම්භ වනවා.
අවසන් වටයේ දෙවැනි තරගය (Eliminator) අද රාත්‍රී 7.30 ට පැවැත්වීමට නියමිත අතර ප්‍රසාද ලකුණු සටහනේ තෙවැනි ස්ථානය දිනූ Colombo Stars කණ්ඩායම හා සිව්වැනි ස්ථානය හිමි කර ගත් Galle Gladiators කණ්ඩායම අතර එම තරගය පැවැත්වෙනවා.
මෙම තරග නැරඹීම සඳහා ටිකට්පත් මිලදී ගැනීමේදී QR හරහා මුදල් ගෙවීමට පහසුකම් සලසා ඇති අතර, QR කර ටිකට්පත් මිලදී ගැනීමේදී 5% ක විශේෂ වට්ටමක් ලබා දීමටද සංවිධායකයින් කටයුතු කර තිබෙනවා.
