රුපියල් 5,000ක අල්ලස් මුදලක් ඉල්ලා ලබාගැනීමේ චෝදනාව මත ගාල්ල මහ නගර සභාවේ ආදායම් පරීක්ෂකවරයෙකු සහ වැඩ ක්ෂේත්ර කම්කරුවෙකු අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.
පැමිණිලිකරු සේවය කරන තීන්ත අලෙවි ආයතනයකට අදාළ වෙළෙඳ දැන්වීම් පුවරුවක් ප්රදර්ශනය කිරීම වෙනුවෙන් ගාල්ල මහ නගර සභාවට ගෙවිය යුතු බදු මුදල් ගෙවීම සඳහා අවශ්ය ලේඛනය ලබාදීම කඩිනම් කර දීම වෙනුවෙන් මෙම මුදල ඉල්ලා අති බව වාර්තා වෙයි.
ඒ අනුව, අල්ලස් මුදලක් ලෙස රුපියල් 5,000ක මුදලක් දෙවන සැකකරු මාර්ගයෙන් ලබාගැනීමේ චෝදනාව මත ගාල්ල මහ නගර සභාවේ ආදායම් පරීක්ෂකවරයා අත්අඩංගුවට ගෙන තිබේ.
එමෙන්ම පළමු සැකකරුගේ දැනුම් දීම මත අල්ලස් මුදල ඉල්ලා ලබාගැනීමේ චෝදනාව යටතේ ගාල්ල මහ නගර සභාවේ වැඩ ක්ෂේත්ර කම්කරුවෙකු අත්අඩංගුවට ගෙන ඇත.
සැකකරුවන් දෙදෙනා අද (25) පෙරවරු 8.50ට පමණ ගාල්ල මහ නගර සභාවේ ආදායම් පරීක්ෂක අංශය තුළදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබීය.
අත්අඩංගුවට ගත් සැකකරුවන් ගාල්ල මහේස්ත්රාත් අධිකරණය වෙත ඉදිරිපත් කිරීමට නියමිත බව අල්ලස් හෝ දූෂණ චෝදනා විමර්ශන කොමිෂන් සභාව සඳහන් කරයි
