2026 ICC කාන්තා විස්සයි20 ලෝක කුසලාන ක්රිකට් තරගාවලියේ අයර්ලන්ත කාන්තා කණ්ඩායමට එරෙහිව පැවැති තරගයෙන් කඩුලු 9ක විශිෂ්ට ජයක් වාර්තා කිරීමට ශ්රී ලංකා කාන්තා කණ්ඩායම සමත් විය.
බ්රිස්ටල්හි පැවැති මෙම තරගයේදී පළමුව පන්දුවට පහරදුන් අයර්ලන්ත කාන්තා කණ්ඩායම නියමිත පන්දුවාර 20 අවසානයේ කඩුලු 5ක් දැවී ලකුණු 130ක් රැස් කළේය.
එම ඉලක්කය හඹා ගිය ශ්රී ලංකා කාන්තා කණ්ඩායම පන්දුවාර 15.3කදී එක් කඩුල්ලක් පමණක් දැවී ලකුණු 134ක් ලබා ගනිමින් තරගය ජය ගැනීමට සමත් විය.
ශ්රී ලංකා ඉනිම මෙහෙයවූ නායිකා චමරි අතපත්තු නොදැවී ලකුණු 106ක් රැස් කරමින් විශිෂ්ට පිතිහරඹයක නිරත වූවාය.
ඇයගේ ඉනිමට හතරේ පහර 17ක් සහ හයේ පහර 2ක් ඇතුළත් විය.
චමරි අතපත්තු තරගයේ වීරවරිය ලෙසද තේරී පත්වූවාය.
