දීර්ඝ කාලයක් ජනතාවට දුන් යහපත් අරමුණුවල අපේක්ෂාවන් ඉටුකිරීමේ බලය අපිට පැවරිලා තියෙනවා – ජනපති

දීර්ඝ කාලයක් ජනතාවට දුන් යහපත් අරමුණුවල අපේක්ෂාවන් ඉටුකිරීමේ බලය නව රජයට පැවරී ඇති බව ජනාධිපති අනුර කුමාර දිසානායක පවසනවා.

අමාත්‍යවරුන්ට හිමිවූ අසීමිත බලය වගකීමෙන් යුතුව හැසිරවිය යුතු බවයි අභිනව අමාත්‍ය මණ්ඩලය දිවුරුම් දීමේ අවස්ථාවට එක්වෙමින් අද (18) ජනාධිපතිවරයා සඳහන් කළේ.

එම බලය ආරක්ෂා කරගැනීමට නව අමාත්‍යවරු නිරන්තරයෙන් කටයුතු කළ යුතු බවත් බලය හැසිරවීමේදී වගවිය යුතු බවද ජනාධිපතිවරයා ප්‍රකාශ කළා.

මහ මැතිවරණයේ ලැබුණු ප්‍රතිඵලයෙන් පෙන්නුම් කරන්නේ රටට තවදුරටත් බෙදීමේ දේශපාලය වලංගු නොවන බව බවත් ජාතික ජන බලවේගය විසින් අපේක්ෂා කරන ලද අරමුණු ඉටු කර ගැනීමේදී සියලුදෙනාගේ සහාය අවශ්‍ය බවයි ජනාධිපති අනුර කුමාර දිසානායක වැඩිදුරටත් ප්‍රකාශ කළේ.