පුනරුත්ථාපනය ලැබූ හිටපු එල්.ටී.ටී.ඊ සාමාජිකයින් උතුරු පළාතේ පසුගිය දිනවල සිදුවූ කිසිඳු ප්‍රචණ්ඩකාරී ක්‍රියාවකට සම්බන්ධ වී නොමැති බව පුනරුත්ථාපන කොමසාරිස් ජනරාල් මේජර් ජනරාල් ජානක රත්නායක මහතා පවසයි.
විවිධ න්‍යාය පත්‍රවලට අනුව කටයුතු කරන පිරිස් නැවත එල්.ටී.ටී.ඊ ය හිස ඔසවමින් පවතින බවට සිදු කරන ප්‍රකාශ සම්පූර්ණයෙන්ම අසත්‍ය බව පුනරුත්ථාපන කොමසාරිස් ජනරාල්වරයා සඳහන් කළේය.
පසුගිය කාලය තුළ හිටපු එල්.ටී.ටී.ඊ සාමාජිකයින් 12,190 දෙනෙකු පුනරුත්ථාපනය කර සමාජගත කළ බව පවසන කොමසාරිස් ජනරාල්වරයා පුනරුත්ථාපනය සඳහා සිටින්නේ තවත් එල්.ටී.ටී.ඊ සාමාජිකයින් 10 දෙනෙකු පමණක් බවද සඳහන් කළේය.
වව්නියාව, පූන්තෝට්ටම් පුනරුත්ථාපන පුහුණු මධ්‍යස්ථානයේ පැවති උත්සවයකට එක්වෙමින් පුනරුත්ථාපන කොමසාරිස් ජනරාල් මේජර් ජනරාල් ජානක රත්නායක මහතා මෙම අදහස් පළ කළේය.
