අපවත් වී වදාළ, කොළඹ හුණුපිටිය ගංගාරාම විහාරාධිපති ආචාර්ය ගල්බොඩ ඤාණීස්සර නාහිමියන්ගේ ආදාහන පූජෝත්සවය පූර්ණ රාජ්‍ය ගෞරව සහිතව අද (05) සිදු කිරීමට නියමිතව තිබෙනවා.
ඒ අනුව අද පස්වරු 4.30ට විහාරස්ථාන භූමියේ දී ආදාහන පූජෝත්සවය සිදු කිරීමට නියමිත බවයි සඳහන් වෙන්නේ.
ගංගාරාම විහාරස්ථානයේ තැන්පත් කර ඇති නාහිමියන්ගේ ශ්‍රී දේහයට ගෞරව දැක්වීම සඳහා කොළඹ, ගංගාරාම විහාරස්ථානයට පෙරේදා (03) සිට විශාල පිරිසක් පැමිණෙමින් සිටින බවයි වාර්තා වන්නේ.
