ජනාධිපතිවරණය පැවැත්වෙන දිනය මැතිවරණ කොමිසම විසින් ප්‍රකාශයට පත් කරන තුරු බලා සිටින බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රාජ්‍ය අමාත්‍ය ඉන්දික අනුරුද්ධ පවසනවා.
ඒ අනුව මැතිවරණ කොමිසම විසින් දිනය ප්‍රකාශයට පත්කළ පසු, ශ්‍රී ලංකා පොදුජන පෙරමුණේ අපේක්ෂකයා සම්බන්ධයෙන් ප්‍රකාශයට පත් කරන බවයි රාජ්‍ය අමාත්‍යවරයා සඳහන් කළේ.
යම් හෙයකින් මැතිවරණය ප්‍රකාශයට පත්කිරීම කල් යනවා නම්, සිය පක්ෂයේ අපේක්ෂකයා තෝරා ගැනීමට හා එම අපේක්ෂයාගේ යෝග්‍යතාව පෙන්වීමට ඔවුන්ට තවදුරටත් කාලය ලැබෙන බවයි රාජ්‍ය අමාත්‍යවරයා වැඩිදුරටත් සඳහන් කළේ.
