දිවයින පුරා ඇති සතොස අලෙවිසැල්වල භාණ්ඩ කිහිපයක මිල පහත දමා ඇති බව එම සමාගම පවසනවා. ඒ අනුව ලංකා සතොස සම්පූර්ණ යොදය සහිත කිරිපිටි 400g පැකට්ටුවක මිල රුපියල් 22 කින් පහත දමා ඇති අතර එහි නව මිල රුපියල් 948 ක්. එසේම කඩල රුපියල් 09කින් සහ මුං ඇට රුපියල් 77 කින්ද පහත දමා ඇති බවයි වැඩිදුරටත් සඳහන් වන්නේ.

ගාසා තීරයේ සිරවී සිටින ශ්‍රී ලාංකිකයින්ට රෆා පිවිසුම හරහා ඊජිප්තුවට ඇතුළුවීමට අවසර ලැබී ඇති බව විදේශ සේවා නියුක්ති කාර්යාංශයේ මාධ්‍ය ප්‍රකාශක ගාමිණි සෙනරත් යාපා පවසනවා.

ඒ අනුව ශ්‍රී ලාංකික පවුල් 3 කට අයත් 17 දෙනෙකුට මෙම අවසරය ලැබී ඇති අතර අද දින දහවල් 12.00 පමණ වනවිට එම පිරිසෙන් 15 දෙනෙක් ඊජිප්තුවට ළඟා වීමට නියමිතව ඇති අතර දෙදෙනෙක් පලස්තීන ජාතිකයන් වීම හේතුවෙන් ඔවුන් එරට රැඳී සිටිනු ඇති බවද ඔහු සඳහන් කළා.

ඔවුන් සුරක්ෂිතව ඊජිප්තුව කරා ළඟාවීමට නියමිත බවත් අවශ්‍ය මැදිහත්වීම සිදු කිරීම සඳහා ඊජිප්තු තානාපති කාර්යාලය හා ලස්තීනයේ පිහිටි නියෝජිත කාර්යාලය කටයුතු කරන බවයි ගාමිණි සෙනරත් යාපා වැඩිදුරටත් සඳහන් කළේ.